រថយន្តក្រុងក្រឡាប់ ស្លាប់១២នាក់ និងរបួស២៦នាក់ នៅម៉ារ៉ុក

បរទេស៖ ទីភ្នាក់ងារចិនស៊ិនហួ ចេញផ្សាយនៅថ្ងៃនេះ បានសរសេរថា រថយន្តក្រុងមួយគ្រឿង បានបើកក្រឡាប់ បង្កឲ្យមានអ្នកបាត់បង់ជីវិត ដល់ទៅ១២នាក់ និងរបួសប្រមាណជា ២៦នាក់ផ្សេងទៀត នៅទីក្រុង Agadir ភាគខាងលិចនៃប្រទេសម៉ារ៉ុក។

ហេតុការណ៍គ្រោះថ្នាក់ចរចរណ៍នេះ បានកើតឡើងនៅក្នុងរដ្ឋ Imsouane ហើយក្រុមអ្នកដំណើរ ដែលបានទទួលរងរបួស បានបញ្ជូនទៅដល់មន្ទីរពេទ្យ នៃទីក្រុង Agadir ហើយដើម្បីសម្រាកព្យាបាល។

គួរឲ្យដឹងដែរថា គ្រោះថ្នាក់ចរាចរណ៍ នៅទូទាំងប្រទេសម៉ារ៉ុក សម្រាប់ឆ្នាំ២០១៩ គឺមានអ្នកបាត់បង់ជីវិត ដល់ទៅ៣៣៨៤នាក់៕

ប្រែសម្រួល៖ស៊ុនលី