អាមេរិក ៖ រូបភាពផ្កាយរណប របស់អង្គការ អវកាសណាសា បង្ហាញថា ផ្ទាំងទឹកកក នៅតំបន់អាក់ទិកចំនួន ២ បានបាត់ខ្លួន ហើយដោយសារការឡើង កម្តៅផែនដី ដែលបង្កឡើងដោយមនុស្ស ដើម្បីបំពេញការព្យាករណ៍ អាប់អួរពីឆ្នាំ ២០១៧នេះ បើយោងតាមការចេញ ផ្សាយពីគេហទំព័រឌៀលីម៉ែល រូបភាពដែលថត ដោយអង្គការណាសា កាលឆ្នាំ ២០១៥ និង ២០២០ បង្ហាញពីរបៀប ដែលពួកគេបានបាត់ខ្លួន ក្នុងរយៈពេលតែកន្លះ ទសវត្សរ៍ប៉ុណ្ណោះ ។ លោក Mark Serreze នាយកមជ្ឈមណ្ឌលទិន្នន័យជាតិព្រិល និងទឹកកកបានសិក្សាលើផ្ទាំងទឹកកក St. Patrick Bay ក្នុងសមត្ថភាពមួយចំនួនចាប់តាំងពីទសវត្សឆ្នាំ ១៩៨០ ។
លោកបានចេញផ្សាយ កាសែតវិទ្យាសាស្ត្រ កាលពីឆ្នាំ ២០១៧ បានបញ្ជាក់ថា ប្រសិនបើការបំភាយ ឧស្ម័ន ផ្ទះកញ្ចក់មិនត្រូវ បានទប់ស្កាត់ទេនោះផ្ទាំងទឹកកក នឹងរលាយបាត់ ក្នុងរយៈពេល ៥ ឆ្នាំ ។ លកបានបន្តថា នៅពេលដែលខ្ញុំបានទៅមើលផ្ទាំងទឹកកក ទាំងនោះដំបូងពួកគេមើលទៅ ដូចជាមានលក្ខណៈអចិន្រ្តៃយ៍ នៃទេសភាព ។ ដើម្បីមើលពួកគេស្លាប់ក្នុងពេលតិចជាង ៤០ ឆ្នាំគ្រាន់តែធ្វើឲ្យខ្ញុំឈឺចាប់ប៉ុណ្ណោះ ។
ការសិក្សាឆ្នាំ ២០១៧ បានប្រៀបធៀប រូបភាពផ្កាយរណបពីឆ្នាំ ២០១៥ ជាមួយនឹងរូបភាព ប្រវត្តិសាស្ត្រតាំងពីឆ្នាំ ១៩៥៩ ។ នេះបង្ហាញថា ផ្ទាំងនេះកាលឆ្នាំ ២០១៥ ដែលទើបតែ៥ ភាគរយនៃទំហំរបស់វាជិត ៦០ ឆ្នាំមកហើយ ចំណែកផ្កាយរណប ASTER បានថតរូបនៅតំបន់ដដែល នៅថ្ងៃទី ១៤ ខែកក្កដា ឆ្នាំ ២០២០ ហើយផ្ទាំងទឹកកកនៅទីនោះមិនទាន់ត្រូវ បានរកឃើញនៅឡើយទេ ៕ ដោយ៖លី ភីលីព
