តម្លៃភាគហ៊ុនរបស់ Facebook បានកើនឡើងមួយកម្រិតទៀត បន្ទាប់ពីក្រុមហ៊ុន ប្រកាសចេញមុខងារថ្មីលើ Instagram ដែលនឹងប្រកួតប្រជែង ជាមួយនឹងកម្មវិធី TikTok នៅលើទីផ្សារជាច្រើន លើពិភពលោក។
ការកើនឡើងតម្លៃហ៊ុននេះ ក៏បានធ្វើឲ្យទ្រព្យសម្បត្តិ លោក Mark Zuckerberg នាយកប្រតិបត្តិ Facbook មានការកើនឡើងដូចគ្នា ដែលពេលនេះទ្រព្យសម្បត្តិ របស់លោកឡើងដល់ខ្ទង់ ១០០ពាន់លានដុល្លារជាលើកដំបូងបំផុត។
នេះធ្វើឲ្យលោក Mark Zuckerberg ក្លាយជាបុគ្គលទីបីក្នុងលោក ដែលមានទ្រព្យសម្បត្តិខ្ទង់ ១០០ពាន់លានដុល្លារ និងជាបុគ្គលមានជាងគេ ក្នុងលោកលំដាប់លេខបី នៅពីក្រោយលោក Jeff Bezos (១៩០ពាន់លានដុល្លារ) និងលោក Bill Gates (១២០ពាន់លានដុល្លារ)៕ ប្រភព៖Sabay
