អាមេរិក ៖ អ្នកនិពន្ធ និងអ្នកវិទ្យាសាស្ត្របរិស្ថាន លោក Eve-Lyn Hinckley នៃសាកលវិទ្យាល័យខូឡូរ៉ាដូ បាននិយាយថា ថ្នាំសម្លាប់សត្វល្អិត និងជីកសិកម្មបានហៀរ ចេញពីឥន្ធនៈហ្វូស៊ីល ដែលជាប្រភពស្ពាន់ធ័រដ៏ធំបំផុត របស់មនុស្សជាតិ នៅក្នុងបរិស្ថាននាពេលបច្ចុប្បន្ន នេះបើយោងតាមការចេញផ្សាយ ពីគេហទំព័រឌៀលីម៉ែល ។
ស្ពាន់ធ័រសកម្មគឺជាសមាសធាតុសំខាន់ នៃទឹកភ្លៀងអាស៊ីត ប៉ុន្តែធាតុមួយត្រូវបាន គេយកមកជាចម្បង ពីការប្រើប្រាស់រោងចក្រថាមពលធ្យូងថ្ម។ ការគំរាមកំហែងពីទឹកភ្លៀង អាស៊ីតត្រូវបានបង្ហាញ ជាលើកដំបូងនៅក្នុងទសវត្សឆ្នាំ ១៩៧០ នៅពេលអ្នកជំនាញ បានរកឃើញថា វាទទួលខុសត្រូវ ចំពោះការខូចខាតដល់ប្រព័ន្ធ អេកូឡូស៊ីនៅពាយព្យ អាមេរិកខាងជើង និងអឺរ៉ុប ។
ពួកគេបានដឹងថា ទឹកភ្លៀងនេះបានមកពីការ បំភាយឥន្ធនៈហ្វូស៊ីល ពីមជ្ឈមណ្ឌលឧស្សាហកម្ម ដែលមានចម្ងាយរាប់រយគីឡូម៉ែត្រពីព្រៃ និងផ្លូវទឹកដែលរងផលប៉ះពាល់ ។ នៅសហរដ្ឋអាមេរិកការ រកឃើញនេះទីបំផុត នាំឲ្យមានការបង្កើត ច្បាប់ខ្យល់ស្អាតក្នុងឆ្នាំ១៩៩០ ដោយច្បាប់នេះ និងច្បាប់ស្រដៀងគ្នានេះជួយកាត់បន្ថយកម្រិតស្ពាន់ធ័របរិយាកាស។
ទោះយ៉ាងណាក៏ដោយអ្នកជំនាញ ដែលដឹកនាំ មកពីសាកលវិទ្យាល័យខូឡូរ៉ាដូ បានរកឃើញថា ការកើនឡើងការប្រើប្រាស់ស្ពាន់ធ័រ ក្នុងការធ្វើកសិកម្មបណ្តាលឲ្យមានឥទ្ធិពល ស្រដៀងគ្នាទៅនឹងទឹកភ្លៀងអាស៊ីត កាលពីអតីតកាល ៕ដោយ៖លី ភីលីព
