អាមេរិក ៖ អង្គការអវកាសណាសា បាននិយាយថា អវកាសយានិក៣នាក់ នឹងចំណាយពេលចុងសប្តាហ៍ នៅក្នុងផ្នែកស្ថានីយ៍ របស់រុស្ស៊ី នៃស្ថានីយ៍អវកាស អន្តរជាតិ បន្ទាប់ពីការលេចធ្លាយមួយ ត្រូវបានគេរកឃើញនៅកន្លែងណាមួយ នៅលើនាវា នេះបើយោងតាមការចេញផ្សាយ ពីគេហទំព័រឌៀលីម៉ែល ។
ណាសាបន្តថា ខណៈផ្នែកស្ថានីយ៍រុស្ស៊ី សមាជិកនាវិក នឹងបិទទាំងអស់នៅលើស្ថានីយ៍ ដោយអនុញ្ញាតឲ្យអ្នកជំនាញ ដែលមានមូលដ្ឋាន នៅផែនដីតាមដាន កម្រិតសម្ពាធខ្យល់ និងរកប្រភព នៃការលេចធ្លាយ ។ មេបញ្ជាការលោក Chris Cassidy និងសហការីរបស់លោក គឺលោក Ivan Vagner និងលោក Anatoly Ivanishin នឹងស្នាក់នៅក្នុងម៉ូឌុលសេវាកម្ម Zvezda ។
អង្គការណាសា និងRoscosmos បាននិយាយថា ស្ថានភាពនេះ មិនបង្កគ្រោះថ្នាក់អ្វីដល់ក្រុមនាវិក ឬស្ថានីយ៍អវកាសឡើយ ប៉ុន្តែវាចាំបាច់ក្នុងការស្វែងរកប្រភព ។ បរិយាកាសនៅស្ថានីយ៍ ត្រូវបានរក្សានៅកម្រិតសម្ពាធមួយ ត្រូវបានរចនាឡើង ដើម្បីឲ្យមានផាសុកភាព សម្រាប់សមាជិកនាវិក បន្តិចនៃខ្យល់នោះលេចចេញ តាមពេលវេលា។
ការលេចធ្លាយគឺជាផ្នែកមួយ នៃជីវិតសម្រាប់មន្ទីរពិសោធន៍ គន្លងគោចរដែលមាន អាយុ២២ឆ្នាំទទួលបាននូវសម្ពាធឡើងវិញ ជាប្រចាំដោយសារយន្តដឹក ដោយយានអវកាសដឹកទំនិញ។ អង្គការណាសាបាននិយាយ នៅក្នុងសេចក្តីថ្លែងការណ៍មួយថា ក្នុងខែកញ្ញាឆ្នាំ ២០១៩ អង្គការ ណាសា និងដៃគូអន្តរជាតិ បានមើលឃើញពីការកើនឡើង បន្តិចបន្តួចលើសពីអត្រា នៃការលេចធ្លាយខ្យល់ក្នុងកាប៊ីន ៕ ដោយ៖លិ ភីលីព
