បរទេស៖ប្រទេសតួកគី នៅថ្ងៃព្រហស្បតិ៍ បាននិយាយប្រាប់ថា ខ្លួននឹងប្រារព្ធធ្វើសមយុទ្ធ នៅដែនសមុទ្រមេឌីទែរ៉ានេ ភាគខាងកើត នៅថ្ងៃទី០១និងថ្ងៃទី០២ ខែកញ្ញាខាងមុខនេះ ហើយនេះជាព្រឹត្តិការណ៍ដ៏ថ្មីបំផុត ក្នុងសមយុទ្ធយោធា ជាបន្តបន្ទាប់មួយ ដែលបង្កឲ្យមានភាពតានតឹង កាន់តែខ្លាំងជាមួយក្រិក។
មន្ត្រីនាំពាក្យ ក្រសួងការបរទេសតួកគី លោក Hami Aksoy បាននិយាយថា ការបញ្ជូន ពង្រាយយន្តហោះយោធាបារាំង នៅកោះស៊ីបរបស់ក្រិក បានបំពានសន្ធិសញ្ញា ស្តីពីការគ្រប់គ្រង និងរដ្ឋបាលរបស់កោះនោះ ក្រោយទទួលឯករាជ្យ ពីប្រទេសអង់គ្លេស នៅក្នុងឆ្នាំ១៩៦០។
គួរបញ្ជាក់ថា ប្រទេសតួកគីនិងក្រិក ដែលសុទ្ធតែជាសមាជិកអង្គការណាតូ បានជាប់គាំងក្នុងជម្លោះដ៏ខ្លាំងក្លា ជុំវិញការគ្រប់គ្រង ដែនទឹកសមុទ្រមេឌីទែរ៉ានេភាគខាងកើត ដែលបានកើនឡើង ក្រោយទីក្រុងអង់ការ៉ា បានបញ្ជូននាវាស្ទង់ការរញ្ជួយដី ទៅកាន់តំបន់ដែលមានជម្លោះ នៅក្នុងខែនេះ ជាទង្វើមួយ ដែលទីក្រុងអាតែនហៅថា ជាទង្វើខុសច្បាប់៕ ប្រែសម្រួល៖ប៉ាង កុង
