កាណាដា ៖ ការសិក្សាថ្មីមួយបានបង្ហាញថា សត្វដំរីយក្សសម័យ បុរាណ “Mastodons” បានធ្វើដំណើរឆ្ពោះទៅទិសខាងជើង ដើម្បីទប់ទល់នឹងកម្ដៅដោយសារតែការ ប្រែប្រួលអាកាសធាតុកាលពី ៨០០,០០០ ឆ្នាំ មុនជំរុញសត្វ ដែលមានរាង ដូចថនិកសត្វ ធ្វើដំណើរឆ្ងាយពីគ្នា នៅទូទាំងអាមេរិកខាងជើង នេះបើយោង តាមការចេញផ្សាយពីគេហទំព័រឌៀលីម៉ែល ។
សាច់ញាតិរបស់សត្វដំរីសម័យទំនើប គឺសត្វដំរី Mastodons បានធ្វើដំណើរពីខាងកើត អាឡាស្កាឆ្ពោះទៅ Nova Scotia និងខាងត្បូងទៅកណ្តាលម៉ិកស៊ិក ។ ក្រុមអ្នកស្រាវជ្រាវជនជាតិ កាណាដានិយាយថា ក្នុងកំឡុងពេលមានអាកាសធាតុក្តៅជាងនេះ Mastodonsបានធ្វើដំណើរឆ្ពោះទៅទិសខាងជើង ដើម្បីចិញ្ចឹមបន្លែដែលរីកដុះ ដាលបន្ទាប់ពីរលាយអស់។
ប៉ុន្តែនៅពេលសីតុណ្ហភាព កាន់តែត្រជាក់ និងផ្ទាំងទឹកកកធំៗ បានចាប់ផ្តើមសាយភាយ ពីលើកំពូលនៃទ្វីប សត្វទាំងនោះបានថយ ចុះនៅភាគខាងត្បូងវិញ។ នេះគឺជាវដ្តថេរមួយបានកើតឡើង ក្នុងកំឡុងពេលការឃ្លាតឆ្ងាយត្រជាក់ នៃសម័យកាល Pleistocene លាតសន្ធឹងពី ២,៥ លានទៅ ១១.៧០០ ឆ្នាំមុន។
ក្រុមអ្នកជំនាញ ដែលបានរៀបចំ ការស្ថាបនា DNA ឡើងវិញពីសំណាកហ្វូស៊ីល Mastodons រួមទាំងធ្មេញភ្លោះ និងឆ្អឹង បាននិយាយថា ការរកឃើញរបស់ពួកគេអាច មានប្រយោជន៍សម្រាប់វិទ្យាសាស្ត្រអភិរក្សទំនើប ។
អ្នកនិពន្ធការសិក្សា Hendrik Poinar នាយកមជ្ឈមណ្ឌល បុរាណវិទ្យា បុរាណ McMaster នៅប្រទេសកាណាដា បាននិយាយថា ទិន្នន័យហ្សែនបង្ហាញ ពីសញ្ញាយ៉ាងខ្លាំងនៃការធ្វើចំណាកស្រុក ដោយផ្លាស់ប្តូរទៅទ្វីបអាហ្វ្រិក ដែលជំរុញឲ្យមានអ្វី ដែលហាក់ដូចជាអាកាសធាតុទាំងស្រុង៕ដោយ៖លី ភីលីព
