នាថ្ងៃព្រហស្បតិ៍នេះ លោក Puttipong Punnakan រដ្ឋមន្ត្រីសេដ្ឋកិច្ចឌីជីថលថៃ បានដាក់ពាក្យបណ្ដឹងចំពោះ Facebook និងបណ្ដាញទំនាក់ទំនងសង្គមជាច្រើនទៀត ដែលបានអនុវត្តន៍ តាមបទបញ្ជារបស់រដ្ឋាភិបាលថៃ។
គួរដឹងថាកាលពីថ្ងៃទី១០ ខែសីហា រដ្ឋាភិបាលថៃបានទុកពេលឲ្យ Facebook ប្រមាណពីរសប្ដាហ៍ក្នុងការអនុលោមទៅតាមបទបញ្ជា ដែលគម្រាមបិទ Facebook ឬពិន័យ Facebook ប្រមាណ ៦ ៣០០ដុល្លារក្នុងមួយថ្ងៃ ក្រោមច្បាប់ឧក្រិដ្ឋកុំព្យូទ័ររបស់ថៃ ដែលបានចូលជាធរ មានកាលពីឆ្នាំ ២០១៦។
លោក Puttipong បាននិយាយថា ៖ “ពួកគេទទួលបានលិខិតព្រមានរួចហើយ ប៉ុន្តែមិនបានអនុវត្តន៍ឲ្យបានពេញទីតាមសំណើ របស់យើងនោះទេ។ សម្រាប់ Facebook គឺមាន URL ចំនួន ៦៦១ ដែលយើងបានស្នើសុំឲ្យលុប ប៉ុន្តែមានត្រឹម ២២៥ប៉ុណ្ណោះ ដែលបានលុបចេញ៕” ប្រភព៖ sabay
