ញ៉ូវយ៉ក៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៥ ខែកញ្ញា ឆ្នាំ២០២០ថា គ្រោះរញ្ជួយដីកម្រិត៥,៣រ៉ិចទ័រ វាយប្រហារមកលើក្រុង Mulege របស់ប្រទេសម៉ិកស៊ិក ។
ទីភ្នាក់ងារស្ទង់ទិន្នន័យ និងភូមិសាស្ត្រសហរដ្ឋអាមេរិក (USGS)បានឲ្យដឹងថា នៅវេលាម៉ោង២៣និង០១នាទី ម៉ោងសកល កាលពីថ្ងៃព្រហស្បតិ៍ ចម្ងាយប្រមាណ៧២គីឡូម៉ែត្រ នៅក្រុង Mulege របស់ប្រទេសម៉ិកស៊ិក មានករណីរញ្ជួយដីមួយកម្រិត៥,៣រ៉ិចទ័រ ។
គ្រោះរញ្ជួយដីនេះ មានជម្រៅ១០គីឡូម៉ែត្រ ។ តាមការវាយតម្លៃបឋមឃើញថា មានរង្វាស់២៧.១៧៩៦ដឺក្រេ នៃរយៈទទឹងប៉ែកខាងជើង និងរង្វាស់១១១.៣២៥៩ដឺក្រេ នៃរយៈបណ្តោយប៉ែកខាងលិច ៕
ប្រែសម្រួលដោយ៖ ម៉ៅ បុប្ផាមករា
