សេនហ្វ្រេនស៊ីស្កូ៖ ក្រុមហ៊ុន Google បាននិយាយថា ខ្លួនគ្រោងនឹងចាប់ផ្តើមអនុវត្តច្បាប់ តម្រូវឲ្យមានកម្មវិធី Android នៅលើ Play store របស់ខ្លួនដើម្បីប្រើប្រព័ន្ធទូទាត់របស់ខ្លួន ដែលត្រូវការកាត់បន្ថយប្រតិបត្តិការ ចំនួន៣០ ភាគរយ នេះបើយោងតាមការចេញផ្សាយ ពីគេហទំព័រជប៉ុនធូដេ។
លោក Sameer Samat អនុប្រធានគ្រប់គ្រងផលិតផល បាននិយាយថា យើងបានបញ្ជាក់ភាសា នៅក្នុងគោលនយោបាយទូទាត់របស់យើង ដើម្បីឲ្យកាន់តែច្បាស់ថា អ្នកអភិវឌ្ឍន៍ទាំងអស់ ដែលលក់ទំនិញឌីជីថល នៅលើកម្មវិធីរបស់ពួកគេ ត្រូវប្រើប្រព័ន្ធវិក្កយបត្ររបស់ Google Play ។
អ្នកមានស្មាតហ្វូន ឬថេប្លេតដំណើរការ ដោយសូហ្វវែរ គាំទ្រដោយក្រុមហ៊ុន Google មានសេរីភាព ក្នុងការទទួលបានកម្មវិធីពីកន្លែង នៅលើប្រព័ន្ធអ៊ីនធើណេត ក្រៅពី Play Store ដំណើរការ ដោយក្រុមហ៊ុនអ៊ីនធើណេតយក្ស។
Google តែងតែតម្រូវឲ្យមានកម្មវិធី ផ្តល់ជូននៅលើធ្នើរនិម្មិតរបស់ Play Store ដើម្បីប្រើប្រព័ន្ធទូទាត់របស់វា ត្រូវចំណាយកម្រៃជើងសារ ៣០ ភាគរយ នៃឧស្សាហកម្មដូចគ្នានឹង Apple ធ្វើនៅលើ App Store របស់ខ្លួន សម្រាប់ឧបករណ៍ចល័តដើរដោយ iOS ។
មិនដូចក្រុមហ៊ុនApple ទោះយ៉ាងណា Google នៅតែមានភាពធូររលុង ក្នុងការអនុវត្តច្បាប់។ ក្រុមហ៊ុន Google បាននិយាយថា គោលការណ៍នេះអនុវត្ត ចំពោះអ្នកអភិវឌ្ឍន៍តិចជាង ៣ ភាគរយដែលមានកម្មវិធី Play Store។ លោក Samat បានបន្តថា យើងប្រមូលតែថ្លៃសេវាប៉ុណ្ណោះ ប្រសិនបើអ្នកអភិវឌ្ឍន៍គិតលុយ អ្នកប្រើប្រាស់ទាញយកកម្មវិធីរបស់ពួកគេ ឬពួកគេលក់របស់របរឌីជីថល ក្នុងកម្មវិធីហើយយើងគិតថា វាត្រឹមត្រូវហើយ។
យោងតាម លោក Samat បានឲ្យដឹងថា ការផ្លាស់ប្តូរមកដល់ជំនាន់ Android ជំនាន់ក្រោយគ្រោង នឹងធ្វើនៅឆ្នាំក្រោយ វានឹងផ្តល់ភាពងាយស្រួល ដល់ប្រជាជនក្នុងការប្រើប្រាស់Play Store ផ្សេងទៀត នៅពេលពួកគេយកចិត្តទុកដាក់ ពីសុវត្ថិភាពអ្នកប្រើប្រាស់៕ ដោយ៖លី ភីលីព
