តូក្យូ៖ក្រុមហ៊ុន Kioxia Holdings Corp ជាក្រុមហ៊ុនផលិតបន្ទះឈីបភ្លោះធំជាងគេលំដាប់លេខ ២នៅលើពិភពលោក បាននិយាយថា ខ្លួននឹងពន្យារផែនការសម្រាប់ ការចេញផ្សាយលក់មូលបត្រជាសាធារណៈលើកដំបូង (IPO) ចំពេលមានភាពមិនប្រាកដប្រជា នៅលើទីផ្សារបន្ទះឈីបសកល បង្កឡើងដោយភាពតានតឹងរវាង សហរដ្ឋអាមេរិក និងចិនយោងតាមការចេញ ផ្សាយពីគេហទំព័រជប៉ុនធូដេ។
សេចក្តីថ្លែងការណ៍មួយ នាយកប្រតិបត្តិរបស់ក្រុមហ៊ុន Kioxia និងជាប្រធានលោក Nobuo Hayasaka បាននិយាយថា យើងទទួលបានការ ចាប់អារម្មណ៍យ៉ាងខ្លាំងពីវិនិយោគិន ជាច្រើនអ្នកដឹកនាំផ្នែកនាំមុខ និង Kioxia មិនជឿថា វាជាផលប្រយោជន៍ល្អបំផុតរបស់ម្ចាស់ភាគហ៊ុនបច្ចុប្បន្ន ឬអនាគតដើម្បីដំណើរការ IPO នៃការប្រែប្រួលទីផ្សារ និងការព្រួយបារម្ភអំពីរលកទី២។
លោកបានបន្តថា ក្នុងនាមជាក្រុមហ៊ុនយើងធ្វើការ សម្រេចចិត្តប្រកបដោយវិន័យ ដែលជាចំណាប់អារម្មណ៍ដ៏ល្អបំផុត របស់អ្នកពាក់ព័ន្ធទាំងអស់ ហើយយើងនឹងពិនិត្យមើលការ ចេញផ្សាយលក់មូលបត្រជាសាធារណៈលើកដំបូង (IPO) នៅពេលវេលាសមស្របមួយ តែយើងមិនប្រញាប់ប្រញាល់ទេ។
ការផ្លាស់ប្តូរនេះបានកើតឡើង បន្ទាប់ពីក្រុមហ៊ុន Kioxia កាលពីដើមខែនេះបានកំណត់ តម្លៃទាបសម្រាប់ IPO នៅទីក្រុងតូក្យូដែលធ្វើឲ្យតម្លៃទីផ្សារទាបជាង ២ ពាន់ពាន់លានយ៉េន (១៨,៩៤ ពាន់លានដុល្លារ) ជាតម្លៃដែលក្រុមដឹកនាំ Bain Capital បានចំណាយសម្រាប់ក្រុមហ៊ុននេះកាលពី ២ ឆ្នាំមុន។
Kioxia ពីមុនត្រូវបានគេស្គាល់ថា Toshiba Memory បានគ្រោងនឹងចុះបញ្ជី នៅផ្សារហ៊ុនតូក្យូនៅថ្ងៃទី ៦ ខែតុលាដោយផ្តល់ភាគហ៊ុនចំនួន ៣៣៤,៣ ពាន់លានយ៉េន (៣,១៩ ពាន់លានដុល្លារ) នៅក្នុងភាគហ៊ុន IPO ធំបំផុតរបស់ជប៉ុននៅឆ្នាំនេះ ៕ ដោយ៖លី ភីលីព
