ញូវយ៉ក ៖ ការសិក្សាថ្មីមួយបានបង្ហាញថា ស្ត្រីទំនងជាអាចឃាតឆ្ងាយពីសង្គម និងពាក់របាំងមុខ ចំពេលមានការឆ្លងរាតត្បាត នៃមេរោគCOVID-9 ជាងបុរសនាពេលបច្ចុប្បន្ន ព្រោះពួកគេមានទំនោរ យកចិត្តទុកដាក់ខ្ពស់ ចំពោះតម្រូវការទាក់ទង នឹងសុខភាព របស់អ្នកដទៃនេះ បើយោងតាមការ ចេញផ្សាយពីគេហទំព័រឌៀលីម៉ែល ។
ក្រុមអ្នកស្រាវជ្រាវមកពី សាកលវិទ្យាល័យញូវយ៉ក និងសាកលវិទ្យាល័យYale បានវិភាគលើជនជាតិអាមេរិករាប់រយនាក់អំពីការអនុវត្តន៍បង្ការ របស់ពួកគេ រួមមានការឃ្លាតឆ្ងាយពីសង្គម ការលាងដៃ និងការពាក់របាំងមុខក្នុងអំឡុង ពេលមេរោគCOVID-9 កំពុងវាយប្រហារនៅសហរដ្ឋអាមេរិកនេះ បើយោងតាមការចេញផ្សាយ ពីគេហទំព័រឌៀលីម៉ែល។
ក្រុមស្រាវជ្រាវបានរកឃើញថា ស្ត្រីជាង ៥៤ ភាគរយពាក់របាំងមុខ របស់ពួកគេឲ្យបានត្រឹមត្រូវ ខណៈ មានតែបុរស ៤២ ភាគរយប៉ុណ្ណោះដោយគោរព តាមការណែនាំ។ ទិន្នន័យក៏បានបង្ហាញផងដែរថា ឥរិយាបថរបស់ប្រធានបទស្ត្រី ដោយសារតែអារម្មណ៍ នៃការថប់បារម្ភអំពីរោគរាតត្បាត និងការទទួលខុស ត្រូវដែលពួកគេមានចំពោះខ្លួនគេ និងអ្នកដទៃ។
លោកស្រី Irmak Olcaysoy Okten អ្នកស្រាវជ្រាវផ្នែកចិត្តវិទ្យា នៃនាយកដ្ឋានចិត្តវិទ្យានៃ NYU និងជាអ្នកនិពន្ធនាំមុខ បាននិយាយថា ការស្រាវជ្រាវ ពីមុនមុនពេលជំងឺ រាតត្បាតបានបង្ហាញថា ស្ត្រីបានទៅជួបគ្រូពេទ្យញឹកញាប់នៅក្នុងជីវិតប្រចាំថ្ងៃ និងធ្វើតាមអនុសាសន៍ របស់ពួកគេច្រើនជាងបុរស ។
ពួកគេក៏យកចិត្តទុកដាក់បន្ថែមទៀត ចំពោះតម្រូវការទាក់ទងនឹងសុខភាពរបស់អ្នកដទៃ ដូច្នេះវាមិនមែនជារឿង គួរឲ្យភ្ញាក់ផ្អើលឡើយ ដោយទំនោរទាំងនេះប្រែ ទៅជាការខិតខំប្រឹងប្រែង កាន់តែច្រើនក្នុងនាមស្ត្រី ដើម្បីការពារការរីករាលដាល នៃជំងឺរាតត្បាតនេះ ៕ដោយ៖លី ភីលីព
