បរទេស៖ យោងតាមការសិក្សា របស់ទីភ្នាក់ងារវិទ្យាសាស្ត្រជាតិ អូស្រ្តាលីបានឱ្យដឹងថា វីរុសកូរ៉ូណា ដែលបង្កឡើងទៅជាជំងឺកូវីដ១៩ អាចរស់បានលើរបស់របរដូចជាក្រដាសប្រាក់ និងទូរស័ព្ទដៃ រហូតដល់ ២៨ ថ្ងៃ ក្នុងស្ថានភាពត្រជាក់និងងងឹត ។
យោងតាមសារព័ត៌មាន Bangkok Post ចេញផ្សាយ នៅថ្ងៃទី១២ ខែតុលា ឆ្នាំ២០២០ បានឱ្យដឹងថា ទីភ្នាក់ងារស្រាវជ្រាវបាននិយាយនៅថ្ងៃច័ន្ទថា ក្រុមអ្នកស្រាវជ្រាវនៅមជ្ឈមណ្ឌលត្រៀម បង្ការជំងឺរបស់ CSIRO បានធ្វើតេស្តទៅលើភាពរស់ នៅបានរបស់មេរោគកូវីដ១៩ នៅក្នុងភាពងងឹតនៅសីតុណ្ហភាព ៣ ដែលបង្ហាញពីអត្រា នៃការរស់រានមានជីវិតថយ ចុះនៅពេលលក្ខខណ្ឌកាន់តែក្តៅ ។
អ្នកវិទ្យាសាស្ត្របានរកឃើញថា នៅសីតុណ្ហភាព ២០ អង្សាសេ មេរោគកូវីដ១៩ គឺ រឹងមាំខ្លាំងនៅលើផ្ទៃរលោង ដូចជាអេក្រង់ទូរស័ព្ទចល័ត ហើយអាចរស់បាន ២៨ ថ្ងៃលើកញ្ចក់ ឬកែវ ដែក និងក្រដាសប្រាក់ប្លាស្ទិក។
នៅក្នុងសីតុណ្ហភាព ៣០ អង្សាសេអត្រា នៃការរស់រានមានជីវិត បានធ្លាក់ចុះមកត្រឹម៧ ថ្ងៃ ហើយបានធ្លាក់ចុះមកត្រឹម ២៤ ម៉ោង សម្រាប់សីតុណ្ហភាពត្រឹម ៤០ អង្សាសេ៕
ប្រែសម្រួលៈ ណៃ តុលា
