បរទេស៖ ទីភ្នាក់ងារសហប្រតិបត្តិការសន្តិសុខការពារជាតិសហរដ្ឋអាមេរិក តាមសេចក្តីរាយការណ៍ ទើបបានប្រកាសនាពេលថ្មីៗនេះថា សហរដ្ឋអាមេរិកទើបបានធ្វើការបញ្ជាក់ឲ្យរ៉ូម៉ានី ទិញយកមីស៊ីលការពារតំបន់ឆ្នេរ នៅក្នុងតម្លៃចរចា៣០០លានដុល្លារ។
យោងតាមសេចក្តីរាយការណ៍មួយ ចេញផ្សាយដោយទីភ្នាក់ងារសារព័ត៌មាន UPI នៅថ្ងៃទី១៧ ខែតុលា ឆ្នាំ២០២០ បានឲ្យដឹងថា ក្រសួងការបរទេសសហរដ្ឋអាមេរិក បានអនុម័តយល់ព្រមលក់ប្រព័ន្ធការពារតំបន់ឆ្នេរ Naval Strike Missile ចំនួនពីរ និងសម្ភារៈពាក់ព័ន្ធផ្សេងទៀត។
គួរបញ្ជាក់ថា ប្រព័ន្ធមីស៊ីលការពារតំបន់ឆ្នេរនោះ គឺរួមមានទាំងមីស៊ីល ដែលសាកសមសម្រាប់បេសកកម្មវាយប្រហារលើគោក ព្រោះតែពួកវាអាចហោះឡើងនិងធ្លាក់ចុះតាមស្ថានភាពដី ក៏ដូចជាមានសមត្ថភាពហោះនៅលើផ្ទៃសមុទ្រ៕
ប្រែសម្រួល៖ប៉ាង កុង
