បរទេស៖ប្រធានប្រតិបត្តិការក្នុងលំហអាមេរិក លោកឧត្តមសេនីយ៍ Jay Raymond បានបង្កើតទីបញ្ជាការប្រតិបត្តិការក្នុងលំហ នៅក្នុងពិធីដាក់ឲ្យដំណើរការ នៅមូលដ្ឋានកងកម្លាំងទ័ពអាកាស Peterson នៅក្នុងរដ្ឋខូឡូរ៉ាដូ នាសប្ដាហ៍នេះ។
យោងទៅតាមកងកម្លាំងអវកាសអាមេរិក លោកឧត្តមសេនីយ៍ Stephen Whiting នឹងបម្រើការជាមេបញ្ជាការរបស់អង្គភាពថ្មី ដែលត្រូវបានបង្កើតឡើងភាគច្រើន ពីអតីតអង្គភាពកងកម្លាំងទ័ពអាកាសលេខ១៤ និងទីបញ្ជាការអវកាសរបស់កងកម្លាំងទ័ពអាកាស។
លោកឧត្តមសេនីយ៍ Jay Raymond តាមសេចក្តីរាយការណ៍ ក៏បានបង្ហាញនូវជំនឿចិត្តថា សង្គ្រាមនៅក្នុងលំហ នឹងត្រូវបានប្រយុទ្ធគ្នាក្នុងកម្រិតល្បឿនដ៏ខ្ពស់ និងក្នុងចម្ងាយដ៏ឆ្ងាយ ហើយលោកបានមានប្រសាសន៍ដូច្នេះថា “យើងត្រូវតែលលឿននិងរហ័សរហួន ហើយយើងត្រូវតែផ្តោតលើបេសកកម្មចម្បងរបស់យើង និងនោះគឺដើម្បីទប់ស្កាត់ជម្លោះនោះមិនឲ្យកើតមានឡើង”៕ប្រែសម្រួល៖ប៉ាង កុង
