ចិន ៖ ក្រុមហ៊ុនផលិតយន្ដហោះអ៊ឺរ៉ុប Airbus បាននិយាយថា គេរំពឹងថា នឹងបញ្ជូនយន្ដហោះប្រភេទ A350 ដែលមានទំហំធំទូលាយ ចេញពីមជ្ឈមណ្ឌលដឹកជញ្ជូ និងចែកចាយ នៅក្រុងធានជីនចាប់ពីត្រីមាសទី ១ ឆ្នាំ ក្រោយយោងតាមការចេញផ្សាយ ពីគេហទំព័រឆៃណាឌៀលី។
មជ្ឈមណ្ឌលសាងសង់ និងដឹកជញ្ជូន និងចែកចាយធំទូលាយ របស់ក្រុមហ៊ុន Airbus Tianjin ដែលជាមជ្ឈមណ្ឌល ដឹកជញ្ជូធំបំផុតដំបូងគេរបស់ក្រុមហ៊ុន នៅក្រៅទ្វីបអ៊ឺរ៉ុប កំពុងផ្លាស់ប្តូរការងារ របស់ខ្លួនជាបណ្តើរ ៗ រួមទាំងការតំឡើងកាប៊ីន និងផ្ទាំងគំនូរយន្តហោះដល់ A350XWB ។
លោកGeorge Xuនាយកប្រតិបត្តិក្រុមហ៊ុន Airbus China បានមានប្រសាសន៍ថា នៅពេលចាប់ផ្តើមអត្រា នៃការផ្តល់យន្តហោះ A350 ពីទីក្រុងធានជីងនឹងមិនលឿនពេកទេ ហើយយើង គ្រោងនឹងបង្កើនអត្រាដឹកជញ្ជូនបន្តិចម្តងៗ ដល់ប្រហែលមួយគ្រឿងក្នុងមួយខែ។
ប្រទេសចិន នឹងក្លាយជាទីផ្សារយុទ្ធសាស្ត្រ ដ៏សំខាន់មួយសម្រាប់ក្រុមហ៊ុន Airbus។
ទន្ទឹមនឹងនេះដែរក្រុមហ៊ុន Airbus បានប្រគល់យន្តហោះគ្រួសារធុន A320 លើកទី ៥០០ របស់ខ្លួនពីខ្សែបណ្តាញ ដំឡើងចុងក្រោយរបស់ខ្លួន នៅក្នុងទីក្រុងធានជីន ដល់ក្រុមហ៊ុនអាកាសចរណ៍ចិន ភាគខាងត្បូង ។
នៅចុងខែកញ្ញាក្រុមហ៊ុនចិនខាងត្បូង ដែលជាក្រុមហ៊ុនអាកាសចរណ៍ធំជាងគេ ទាក់ទងនឹងទំហំកងនាវា នៅក្នុងប្រទេសចិន មានយន្តហោះ Airbus ចំនួន ៣៦៨ គ្រឿង រួមមានយន្តហោះប្រភេទ A320, A330, A350 និង A380 ៕ ដោយ៖លី ភីលីព
