ញូវយ៉ក ៖ នៅពេលត្រូវបានសួរអំពីក្រុមហ៊ុន បច្ចេកវិទ្យាយក្សសហរដ្ឋអាមេរិក Google ការផ្សាយពាណិជ្ជកម្មផ្តាច់មុខ លោក Bryan Clayton នាយកប្រតិបត្តិក្រុមហ៊ុន GreenPal បានបង្ហាញពីការទួញសោក ដែលធ្លាប់ស្គាល់ក្នុងចំណោមម្ចាស់អាជីវកម្មខ្នាតតូច យោងតាមការចេញផ្សាយ ពីគេហទំព័រជប៉ុនធូដេ ។
លោក Clayton នាយកប្រតិបត្តិក្រុមហ៊ុន GreenPal ជាក្រុមហ៊ុនដែលបើកដំណើរការកម្មវិធីមួយ ដើម្បីជួយម្ចាស់ផ្ទះស្វែងរកការថែទាំស្មៅបាននិយាយថា អ្នកនៅតែបន្តស្វែងរកទំព័រស្រាវជ្រាវ បន្តទៀត នៅពេលចាប់ផ្តើមអ្នកមិនមានថវិកា ផ្សាយពាណិជ្ជកម្ម រាប់លានដុល្លារឡើយ។
ក្រសួងយុត្តិធម៌បានប្តឹង Google កាលពីថ្ងៃទី ២០ ខែតុលាពីការប្រព្រឹត្តផ្ទុយពីច្បាប់ ដោយនិយាយថា ឥទ្ធិពលរបស់ក្រុមហ៊ុនក្នុងការស្វែងរក និងផ្សាយពាណិជ្ជកម្ម ធ្វើឲ្យអន្តរាយដល់គូប្រជែង និងអ្នកប្រើប្រាស់ ។ ពួកគេនិយាយថា អ្វីដែលអយុត្តិធម៌ អំពី Google គឺជាវិធីផ្តល់នូវភាពលេ ចធ្លោបំផុតនៅក្នុងលទ្ធផលស្វែង រកដល់ក្រុមហ៊ុន ដែលចំណាយច្រើនបំផុត លើការផ្សាយពាណិជ្ជកម្ម ។
ក្រុមហ៊ុនចង់ស្វែងរកចំណុច កំពូលនៅក្នុងលទ្ធផល Google search សម្រាប់ទំព័រដំបូង នៃចំណាត់ថ្នាក់និងកំពូល នៃទំព័រជាបន្តបន្ទាប់ ប៉ុន្តែប្រសិនបើក្រុមហ៊ុនច្រើន ពេកប្រកាន់ខ្ជាប់នូវចំណុចណាមួយនោះការចំណាយអាចលោតផុតសម្រាប់អាជីវកម្មខ្នាតតូចមួយដូចជាតម្លៃ សម្រាប់ការផ្សាយពាណិជ្ជកម្ម តាមទូរទស្សន៍ពេលដំបូងដែរ។
Google គ្រប់គ្រងប្រហែល ៩០ ភាគរយ នៃការស្វែងរកតាមអ៊ីនធើណេតទូទាំងពិភពលោក ។ នាយកដ្ឋានយុត្តិធម៌បានប្តឹង Google ដោយចោទប្រកាន់ថា ខ្លួនប្រើប្រាស់អំណាចផ្តាច់មុខ ក្នុងការស្វែងរកការប្រកួតប្រជែង ។
ការព្រួយបារម្ភរបស់ម្ចាស់អាជីវកម្ម អំពីការចំណាយលើការ ផ្សាយពាណិជ្ជកម្ម មិនទាក់ទងដោយផ្ទាល់ទៅ នឹងបណ្តឹងរបស់រដ្ឋាភិបាលទេ ទោះបីឥទ្ធិពល របស់ក្រុមហ៊ុនក្នុងទីផ្សារ ស្វែងរកត្រូវបានគេចោទប្រកាន់ថា ជាកត្តាជំរុញឲ្យតម្លៃទិញការផ្សាយពាណិជ្ជកម្ម នៅក្នុងបណ្តាញទីផ្សារឌីជីថល ដ៏ធំក៏ដោយ៕ ដោយ៖លី ភីលីព
