តូក្យូ ៖ ក្រុមហ៊ុន Honda Motor Co បានរាយការណ៍ថា ប្រាក់ចំណេញរបស់ខ្លួនបានកើនឡើង ២៣ ភាគរយ នៅក្នុងត្រីមាសចុងក្រោយនេះ ទោះបីជាមានការរីករាលដាល នៃមេរោគCOVID-19 ដែលបានធ្វើ=jy ប៉ះពាល់ដល់អាជីវកម្មនៅជុំវិញពិភពលោក ក៏ដោយយោង តាមការចេញផ្សាយពីគេហទំព័រជប៉ុនធូដេ។
ក្រុមហ៊ុន Honda បាននិយាយថា ប្រាក់ចំណេញរបស់ខ្លួន នៅខែកក្កដា – កញ្ញា មានចំនួន ២៤០,៩ ពាន់លានយ៉េន (២,៣ ពាន់លានដុល្លារ) ពោលគឺកើនឡើងពី ១៩៦,៥ ពាន់លានយ៉េនកាលពីឆ្នាំមុន ដោយសារតែទីផ្សាររថយន្តបានស្ទុះងើបឡើងវិញ នៅផ្នែកខ្លះនៃពិភពលោក។
ក្រុមហ៊ុន Honda បានបន្តថា ខ្លួនបានកាត់បន្ថយការចំណាយដ៏ខ្លាំងក្លា ដែលពាក់ព័ន្ធនឹង ការពិនិត្យឡើងវិញជាមូលដ្ឋាន នៃប្រតិបត្តិការរបស់ខ្លួន។ ស្ថានភាពនេះក៏មានភាពប្រសើរឡើង ចាប់ពីដើមឆ្នាំនេះ នៅពេលការចាក់សោរ និងបញ្ហាផ្សេងទៀតដែលទាក់ទងទៅនឹង COVID-19បង្កឲ្យមានការរំខាន ដល់ផលិតកម្មមួយចំនួន និងទំនិញស្តុក។
ការលក់ប្រចាំត្រីមាសបានធ្លាក់ចុះពី ៣,៧៣ ពាន់ពាន់លានយ៉េនដល់ ៣,៦៥ ពាន់ពាន់លានយ៉េន (៣៥ ពាន់លានដុល្លារ) ធៀបនឹងរយៈពេលដូចគ្នា កាលពីឆ្នាំមុន។ ក្រុមហ៊ុនបានផលិតរថយន្តម៉ាក Accord sedan និង Asimo robot បានព្រមានថា ភាពមិនប្រាកដប្រជានៅតែកើតមានចំ ពេលមានករណីកើនឡើងនៃ COVID-19។ ប៉ុន្តែក្រុមហ៊ុនបានសង្កត់ធ្ងន់ថា ខ្លួនគ្រប់គ្រងដើម្បីប្រកាន់ខ្ជាប់នូវផលចំណេញ។
ឆ្លុះបញ្ចាំងពីអារម្មណ៍សុទិដ្ឋិនិយមក្រុមហ៊ុនហុងដា បានបង្កើនការព្យាករណ៍ប្រាក់ចំណេញរបស់ខ្លួន សម្រាប់ឆ្នាំសារពើពន្ធរហូតដល់ខែមីនាឆ្នាំ ២០២១ ដល់ ៣៩០ ពាន់លានយ៉េន (៣,៨ ពាន់លានដុល្លារ) ពីការព្យាករមុន ១៦៥ ពាន់លានយ៉េន (១,៦ ពាន់លានដុល្លារ) ។ ការព្យាករណ៍ចុងក្រោយនៅតែទាបជាងប្រាក់ចំណេញ Honda បានកក់ក្នុងឆ្នាំសារពើពន្ធមុនចំនួន ៤៥៥,៧ ពាន់លានយ៉េន ៕ដោយ៖លី ភីលីព
