ការសិក្សាអំពី DNA សត្វឆ្កែបុរាណបានបង្ហាញថា សត្វឆ្កែគឺជាដៃគូសត្វ ដែលបម្រើបានយូរបំផុត របស់មនុស្សជាតិ និងសហស្សវត្សរ៍ នៃការរួមរស់ជាមួយគ្នាបានទទួលឋានៈជា“ មិត្តល្អបំផុតរបស់បុរស” នៅពេលមនុស្សនៅតែជាអ្នកប្រមាញ់ និងអ្នកប្រមូលនេះបើយោង តាមការចេញផ្សាយពីគេហទំព័រ ឌៀលីម៉ែល។
ស៊ីបេរី ៖ ការសិក្សាថ្មីមួយបានរកឃើញថា សត្វឆ្កែដែលវិវត្តចេញពីសត្វចចកបានបែកខ្ញែកគ្នា ទៅជាពូជខុសៗគ្នាតាំងពី ១១០០០ ឆ្នាំមុន។ ហ្សែនរបស់សត្វឆ្កែបុរាណ សរុបចំនួន២៧ ត្រូវបានដាក់ជាបន្តបន្ទាប់ ហើយពួកគេបានបង្ហាញថា នៅពេលយុគសម័យទឹកកកចុងក្រោយបានបញ្ចប់ យ៉ាងហោចណាស់មានប្រភេទសត្វឆ្កែ ៥ ប្រភេទផ្សេងៗគ្នា។
ពូជបុរាណទាំងនេះនីមួយៗមានពូជពង្សហ្សែនប្លែករបស់ពួកគេ ហើយដាននៃពួកវាត្រូវបានគេឃើញសព្វថ្ងៃនេះ នៅក្នុងសត្វចិញ្ចឹមទំនើប។ លោក Pontus Skoglund សហអ្នកនិពន្ធសិក្សា និងជាអ្នកដឹកនាំក្រុមនៃមន្ទីរពិសោធន៍ ហ្សែនបុរាណនៅវិទ្យាស្ថាន Francis Crick មានប្រសាសន៍ថា បម្រែបម្រួលមួយចំនួន ដែលអ្នកឃើញរវាងសត្វឆ្កែដើរ តាមផ្លូវសព្វថ្ងៃមានដើមកំណើត នៅយុគសម័យទឹកកក ។
នៅចុងបញ្ចប់នៃរយៈពេលនេះ សត្វឆ្កែបានរាលដាលពាសពេញអឌ្ឍគោលខាងជើង រួចទៅហើយ ។ ប្រភេទឆ្កែទំនើបបានលេចចេញពីការវិវត្ត និងការបង្កាត់ពូជ របស់ក្រុមបុរាណទាំង ៥ នេះ ចំណែកការសិក្សា ត្រូវបានចេញផ្សាយលើទិនានុប្បវត្តិវិទ្យាសាស្ត្រ ធ្វើឲ្យអ្នកស្រាវជ្រាវ តាមដានការវិវត្តរបស់សត្វឆ្កែ ចំពោះសត្វឆ្កែនៅអឺរ៉ុប មានភាពចម្រុះហ្សែនច្រើន ជាមួយនឹងសត្វចិញ្ចឹម ដែលមានប្រភពមកពីទាំងនៅជិតបូព៌ា ឬស៊ីបេរី ៕
ដោយ៖លី ភីលីព
