អង់គ្លេស៖ ការវិភាគថ្មីៗ បានបង្ហាញកាន់តែច្បាស់ អំពីជីវិតរបស់បុរស បាននិយាយថា ករណីជំងឺរបេង ដែលត្រូវបានគេស្គាល់ដំបូងបង្អស់ នៅចក្រភពអង់គ្លេសកើតមានឡើង លើបុរសម្នាក់ ដែលបានស្លាប់នៅអាយុ៣០ ឆ្នាំប្រហែល ២២០០ ឆ្នាំកន្លងមកហើយ នេះបើយោងតាមការចេញផ្សាយ ពីគេហទំព័រឌៀលីម៉ែល។
ក្រុមអ្នកជំនាញ បាននិយាយថា ត្រូវគេហៅថា Tarrant Hinton Man ត្រូវបានគេរកឃើញដំបូង ក្នុងកំឡុងពេលជីកកកាយនៅ Dorset ដែលបានចាប់ផ្តើមនៅឆ្នាំ ១៩៦៧ និងមានរយៈពេល ១៨ ឆ្នាំ។ ការសិក្សា DNA កាលឆ្នាំ ២០០២ បានបញ្ជាក់ ពីការធ្វើរោគវិនិច្ឆ័យរោគរបេងរបស់គាត់ និងការស្រាវជ្រាវថ្មី ដែលបានទទួលការឧបត្ថម្ភ ពីការអភិវឌ្ឍសារមន្ទីរនិរតីបង្ហាញថា គាត់ប្រហែលជាបានស្លាប់ នៅប្រទេសអង់គ្លេស ប៉ុន្តែបានកើតនៅកន្លែងផ្សេងទៀត នៅអឺរ៉ុបទាំងនៅអៀរឡង់ បារាំង ឬអេស្ប៉ាញ។
ខណៈដែលជំងឺរបេង មិនមានជាទូទៅ នៅកោះអង់គ្លេស រហូតដល់សតវត្សរ៍ទី ១ គ.ស គេជឿថា ជំងឺនេះលេចធ្លោនៅកន្លែងផ្សេងទៀត លើទ្វីបនេះរាប់ពាន់ឆ្នាំ។ ក្រុមអ្នកជំនាញជឿជាក់ថា បុរសនេះបានផ្លាស់ ទៅរស់នៅប្រទេសអង់គ្លេសក្នុងវ័យ ៨ ឆ្នាំ ហើយប្រហែលជា បានឆ្លងជំងឺរបេងរួចទៅហើយ។
គ្រោងឆ្អឹងត្រូវបានបង្ហាញជាអចិន្ត្រៃយ៍ នៅសារមន្ទីរ East Dorset ក្នុង Wimborne ហើយការវិភាគ isotope ត្រូវបានធ្វើឡើងលើឆ្អឹង ដើម្បីកំណត់ពីប្រភពដើមរបស់បុគ្គល។ សំណុំបែបបទ នៃការសិក្សាជាក់លាក់នេះ មើលទៅលើការផ្តោតអារម្មណ៍ នៃបម្រែបម្រួលជាក់លាក់ នៃធាតុលាក់ក្នុងឆ្អឹង និងធ្មេញ៕ ដោយ៖លី ភីលីព
