វីយ៉េន៖ អង្គការប្រទេសនាំប្រេងចេញ (OPEC) បានកាត់បន្ថយការព្យាករណ៍របស់ខ្លួន ចំពោះតម្រូវការប្រេងពិភពលោក សម្រាប់ឆ្នាំ២០២០ ដោយព្យាករណ៍ថា នឹងមានការធ្លាក់ចុះ ៩,៨ លានបារ៉ែលក្នុងមួយថ្ងៃ ក្នុងមួយឆ្នាំៗ នៅក្នុងរបាយការណ៍ប្រចាំខែរបស់ខ្លួន ដែលបានចេញផ្សាយកាលពីថ្ងៃពុធ។
ក្រុមអ្នកផលិតប្រេង បានកែប្រែការព្យាករណ៍របស់ខ្លួន សម្រាប់តម្រូវការប្រេងពិភពលោក នៅឆ្នាំនេះចំនួន ០,៣ លានបារ៉ែលក្នុងមួយថ្ងៃ ដោយលើកឡើងពី“ តម្រូវការខ្សោយជាងការរំពឹងទុក” នៅក្នុងអង្គការសហប្រតិបត្ដិការ សេដ្ឋកិច្ច និងអភិវឌ្ឍន៍ (OECD) នៅអាមេរិក ក្នុងត្រីមាសទី៣ និងបានប្រកាសនាពេលថ្មីៗនេះ ដោយវិធានការទប់ស្កាត់ជំងឺកូវីដ-១៩ ដោយរដ្ឋាភិបាលនានា OECD នៅអឺរ៉ុប។
គេរំពឹងថា តម្រូវការប្រេងនៅលើពិភពលោក នឹងកើនឡើង ៦,២ លានបារ៉ែលក្នុងមួយថ្ងៃ ក្នុងឆ្នាំ ២០២១ ដោយកាត់បន្ថយចំនួននេះធ្លាក់ចុះ ០,៣ លានបារ៉ែលក្នុងមួយថ្ងៃ បើប្រៀបធៀបទៅនឹងការវាយតម្លៃ កាលពីខែមុន ដោយសារជំងឺកូវីដ -១៩ ជាមួយនឹងផលប៉ះពាល់អវិជ្ជមាន មកលើការដឹកជញ្ជូន និងតម្រូវការឥន្ធនៈឧស្សាហកម្ម រហូតដល់ពាក់កណ្តាលឆ្នាំ ២០២១៕ ដោយ៖ ឈូក បូរ៉ា
