អាមេរិក ៖ លោក Victor Glover ជាអវកាសយានិក របស់ណាសា បានក្លាយជាអវកាសយានិកស្បែកខ្មៅ ដំបូងគេដែលបានស្នាក់នៅ រយៈពេលយូរនៅស្ថានីយ អវកាសអន្តរជាតិ (ISS) បន្ទាប់ពីការមកដល់ នៃអវកាស SpaceX Crew-1 ប្រកបដោយជោគជ័យនៅមន្ទីរពិសោធន៍ គន្លងគោចរ នេះបើយោងតាមការចេញផ្សាយ ពីគេហទំព័រឌៀលីម៉ែល។
អវកាសយានិក របស់អង្គការណាសា លោក Victor Glover គឺជាមនុស្សស្បែកខ្មៅដំបូងគេ ដែលរស់នៅលើមន្ទីរពិសោធន៍ គន្លងគោចរ សម្រាប់ការស្នាក់នៅ យូរ ហើយលោកនឹងហៅ នាវាដ៏ធំនេះទៅផ្ទះក្នុងរយៈពេល ៦ ខែទៀត។ លោក Glover អាយុ ៤៤ ឆ្នាំបានចូលរួមក្នុងជួរមុខ របស់អង្គការណាសាកាលឆ្នាំ ២០១៣ និងជាមេបញ្ជាការកងទ័ពជើងទឹក សហរដ្ឋអាមេរិក ប៉ុន្តែឥឡូវនេះ ជាអវកាសយានិកស្បែកខ្មៅទី ១៤ ដែលចូលប្រឡូកក្នុងអវកាស ។
លោកគឺជាផ្នែកមួយនៃបេសកកម្ម Crew-1 ដែលបានបើកដំណើរការពីមជ្ឈមណ្ឌលអវកាស Kennedy នៅថ្ងៃទី ១៥ ខែវិច្ឆិកានៅលើយានអវកាស Crew Dragon ដែលមានឈ្មោះថា ‘Resilience.។ លោក Glover បានធ្វើដំណើរចម្ងាយ ២៤០ ម៉ាយល៍ជាមួយមេបញ្ជាការ របស់លោក គឺលោក Michael Hopkins និងអ្នកអវកាសយានិក Shannon Walker និងលោក Soichi Noguchi មកពីទីភ្នាក់ងារអវកាសជប៉ុន JAXA ។
សារព័ត៌មាន The New York Times បានរាយការណ៍ថា អង្គការណាសាបានបញ្ជូនអវកាសយានិកអាមេរិកជាង ៣០០ នាក់ទៅក្នុងលំហអាកាសប៉ុន្តែមានតែ ១៤ នាក់ប៉ុណ្ណោះមានស្បែកខ្មៅម្នាក់គត់ ។ ហើយទោះបីជាអ្នកផ្សេងទៀតបានឡើងជិះ ISS ក្នុងកំឡុងពេលបេសកកម្មយានអវកាសក៏ដោយ ក៏លោកGlover ជាអវកាសយានិកខ្មៅដំបូងគេ ដែលមានការស្នាក់នៅយូរ ជាផ្នែកមួយនៃនាវិក ៕ដោយ៖លី ភីលីព
