ប៉េកាំង ៖ ឯកអគ្គរដ្ឋទូតចិន Xing Haiming បានឲ្យចឹងថា ការប្តេជ្ញាចិត្តរបស់ប្រទេសចិន ចំពោះសន្តិភាព និងការរំសាយអាវុធ នុយក្លេអ៊ែរនៅឧបទ្វីបកូរ៉េ នឹងនៅតែស្ថិតស្ថេរដដែល ដោយមិនគិតពីការផ្លាស់ប្តូរមេដឹកនាំ នៅក្នុងសហរដ្ឋអាមេរិកនោះឡើយ ។
លោកបានឲ្យដឹងផងដែរនៅក្នុងវេទិកា ដែលរៀបចំដោយស្ថានទូត របស់លោកថា ប្រធានាធិបតីចិនលោក ស៊ី ជីនពីង នឹងធ្វើទស្សនកិច្ចនៅប្រទេសកូរ៉េខាងត្បូង មុនពេលប្រទេសដទៃទៀតនៅពេលដែលស្ថានភាពរាតត្បាតជំងឺកូវីដ-១៩ មានស្ថេរភាពឡើងវិញ។
នៅពេលសួរអំពីទស្សនវិស័យ នៃកិច្ចសហប្រតិបត្តិការទីក្រុងប៉េកាំង ជាមួយទីក្រុងវ៉ាស៊ីនតោន ក្រោមរដ្ឋបាលថ្មី របស់ប្រធានាធិបតីជាប់ឆ្នោត លោក ចូ បៃដិន លោកឯកអគ្គរដ្ឋទូតបានសង្កត់ធ្ងន់ថា ប្រទេសចិន“ ស្ថិតក្នុងជំហររបស់ខ្លួនក្នុងការស្វែងរកសន្តិភាព កិច្ចពិភាក្សាការអភិវឌ្ឍន៍ និងការរំសាយអាវុធ នុយក្លេអ៊ែរនៃឧបទ្វីបកូរ៉េ” ។
លោកឯកអគ្គរដ្ឋទូត បានបន្ថែមថា“ ដោយមិនគិតពីនរណា ឬអ្វីដែលប្រទេសដទៃទៀត និយាយយើងនឹងបន្តជំរុញឆ្ពោះ ទៅរកទិសដៅនោះ។ នេះគឺដើម្បីផលប្រយោជន៍ ទៅវិញទៅមកទាំងចិន និងកូរ៉េ តំបន់នេះ និងក្រៅ ក៏ដូចជាសម្រាប់សន្តិភាពពិភពលោក”៕
ដោយ ឈូក បូរ៉ា
