បរទេស៖ យោងតាមការចេញផ្សាយ របស់កាសែតបរទេសនៅថ្ងៃនេះបានឲ្យដឹងថាគ្រូបង្រៀន និងជាគ្រូបង្វឹកកីឡាករម្នាក់ផងនៅរដ្ឋហ្វ្លីរីដាត្រូវបានគេរកឃើញថា មានឯកសារអាសអាភាសរបស់ក្មេងៗច្រើនជាង៤០០ជាកម្មសិទ្ធរបស់គាត់។
លោក Shawn Fitzgerald អាយុ៤៦ឆ្នាំជាគ្រូបង្រៀននៅវិទ្យាល័យ Lakeland និងក៏ជាគ្រូបង្វឹកបាល់ទាត់នៅក្នុងតំបន់ Bartow ផងដែរ។តាមការបញ្ជាករបស់ប៉ូលីស ក្នុងតំបន់បានបញ្ជាក់ថាលោកត្រូវបានចាប់ខ្លួន កាលពីថ្ងៃសុក្រនៅបន្ទាប់ពីត្រូវបានគេរកឃើញវិដេអូនិងរូបអាសអាភាស ប្រមាណជា៤០៨ឯកសារ។
ការចាប់ខ្លួននេះត្រូវបានគេដឹងថា បានធ្វើឲ្យមានការភ្ញាក់ផ្អើលនិងប្រតិកម្មយ៉ាងខ្លាំងអំពីសហគមន៍ ជាពិសេសទៅលើទំនុកចិត្តក្នុងការអប់រំដោយសារមានកុមារក្មេងៗ មិនតិចនោះទេដែលមានទំនាក់ទំនងជិតស្និទ្ធជាមួយគាត់ ត្រូវបានទទួលរងនូវការអាប់អោន៕
ប្រែសម្រួល៖ស៊ុនលី
