តូក្យូ៖ ប្រទេសជប៉ុន និងចិន បានព្រមព្រៀងគ្នា ដើម្បីចាប់ផ្តើមការធ្វើដំណើរអាជីវកម្ម ដែលរងផលប៉ះពាល់ដោយសារជំងឺកូវីដ-១៩ និងបន្ដពិភាក្សានៅខែវិច្ឆិកានេះ ដើម្បីបន្តកិច្ចពិភាក្សា ស្តីពីប្រជុំកោះដែលមាន ជម្លោះនៅសមុទ្រចិនខាងកើត។
ដំណើរទស្សនកិច្ច រយៈពេលពីរថ្ងៃនៅទីក្រុងតូក្យូ ដោយរដ្ឋមន្ត្រីការបរទេសចិនលោក វ៉ាង យី កើតឡើងចំពេលមានការព្រួយ បារម្ភកាន់តែខ្លាំងឡើង ចំពោះការអះអាងរបស់ទីក្រុងប៉េកាំង នៅក្នុងតំបន់។ កិច្ចពិភាក្សាជាមួយសមភាគីជប៉ុនលោក Toshimitsu Motegi គ្របដណ្តប់លើភាពតានតឹងតាមសមុទ្រ ពាណិជ្ជកម្ម និងការឆ្លើយតបជំងឺរាតត្បាត។
នៅថ្ងៃពុធនេះ លោកវ៉ាង យី នឹងធ្វើការសម្តែងការគួរសម ដល់លោកនាយករដ្ឋមន្រ្តី ជប៉ុន Yoshihide Suga ដែលកន្លងមកបានព្យាយាម ធ្វើឱ្យមានតុល្យភាពការពឹងផ្អែកសេដ្ឋកិច្ច ដ៏ជ្រាលជ្រៅរបស់ជប៉ុន លើប្រទេសចិន ជាមួយនឹងការព្រួយបារម្ភផ្នែកសន្តិសុខរួមទាំងការអះអាង របស់ក្រុងប៉េកាំងជុំវិញប្រជុំកោះ ដែលមានជម្លោះដែលគ្រប់គ្រងដោយជប៉ុន។
ខណៈដែលលោកនាយករដ្ឋមន្រ្តី បានចង្អុលបង្ហាញយ៉ាងច្បាស់ពីវោហារសាស្ត្រប្រឆាំងចិន ដែលប្រើដោយសម្ព័ន្ធមិត្តរបស់ជប៉ុន សហរដ្ឋអាមេរិក លោកបានផ្លាស់ប្តូរ ដើម្បីប្រឆាំងនឹងឥទ្ធិពលរបស់ខ្លួន តាមរយៈការធ្វើឱ្យស៊ីជម្រៅចំណងមិត្តភាពជាមួយអូស្ត្រាលី និងជ្រើសរើសប្រទេសវៀតណាម និងឥណ្ឌូនេស៊ី សម្រាប់ដំណើរទស្សនកិច្ច ក្រៅប្រទេសលើកដំបូងរបស់លោក៕
ដោយ ឈូក បូរ៉ា
