គៀវ៖ អគ្គលេខាធិការអង្គការ សន្ធិសញ្ញាអាត្លង់ទិកខាងជើង (ណាតូ) លោក Jens Stoltenberg បានឲ្យដឹងថា តំបន់សមុទ្រខ្មៅ មានសារៈសំខាន់ខ្ពស់ ចំពោះសម្ព័ន្ធមិត្តហើយពួកគេ នឹងសហការជាមួយអ៊ុយក្រែន ដើម្បីតាមដានស្ថានភាព សន្តិសុខ។
“តំបន់សមុទ្រខ្មៅ មានសារសំខាន់ជាយុទ្ធសាស្ត្រ ដល់ណាតូ និងសម្ព័ន្ធមិត្តទាំងអស់ យើងធ្វើការយ៉ាងជិតស្និទ្ធជាមួយដៃគូ ដែលមានតម្លៃរបស់យើង គឺហ្សកហ្ស៊ី និងអ៊ុយក្រែន” នេះបើតាមសម្តី របស់លោក Stoltenberg ក្នុងសន្និសីទសារព័ត៌មាន កាលពីថ្ងៃច័ន្ទ។
លោក Stoltenberg បានកត់សម្គាល់ថា អង្គការណាតូ នឹងបង្កើនការគាំទ្រ ផ្នែកនយោបាយនិងជាក់ស្តែង សម្រាប់អ៊ុយក្រែន និងហ្សកហ្ស៊ីដើម្បីពង្រឹងសន្តិសុខនៅក្នុងតំបន់សមុទ្រខ្មៅ។
លោក Stoltenberg បានបន្ថែមថា “យើងនឹងពិភាក្សាអំពីរបៀប ដែលយើងនឹងដោះស្រាយបញ្ហាទាំងនេះ ជាមួយគ្នានៅថ្ងៃពុធ នៅពេលយើងជួបជាមួយរដ្ឋមន្រ្តី ការបរទេសនៃប្រទេសដៃគូទាំងពីរ” ៕
ដោយ ឈូក បូរ៉ា
