តូក្យូ៖ សារព័ត៌មាន Asahi បានរាយការណ៍ថាប្រទេសជប៉ុន នឹងបំពាក់រ៉ាដា Aegis ដ៏មានឥទ្ធិពលថ្មីលើនាវាចម្បាំង ដើម្បីធ្វើឱ្យប្រសើរឡើងនូវប្រព័ន្ធការពាររបស់ខ្លួន ប្រឆាំងនឹងមីស៊ីលផ្លោងដែលអាចបាញ់ដោយកូរ៉េខាងជើង បន្ទាប់ពីខ្លួនបានលុបចោលផែនការដាក់ពង្រាយនៅស្ថានីយ៍ដែលមានមូលដ្ឋានចំនួនពីរ។
កាសែតដដែលបានដកស្រង់ប្រភពដែលមិនស្គាល់អត្តសញ្ញាណបានឲ្យដឹងថា រដ្ឋាភិបាលរបស់លោកនាយករដ្ឋមន្រ្តី Yoshihide Suga ទំនងជានឹងអនុម័តនូវអនុសាសន៍របស់ក្រុមប្រឹក្សាសន្តិសុខជាតិរបស់ប្រទេសនេះ មុនដំណាច់ឆ្នាំនេះ ទោះបីសេចក្តីសម្រេចចិត្តណាមួយ ស្តីពីប្រភេទនាវា ឬថ្លៃដើមនឹងត្រូវទុកចោលរហូតដល់ឆ្នាំក្រោយក៏ដោយ។
ការដាក់ពង្រាយរ៉ាដា Aegis ថ្មីនេះអាចចំណាយប្រាក់ទ្វេដង ហើយត្រូវការពេល ៣ ឆ្នាំទៀត ដើម្បីសាងសង់រួចរាល់ជាងមូលដ្ឋានដី ដែលត្រូវបានគេរំពឹងថា នឹងចំណាយថវិកាប្រមាណ ២ ពាន់លានដុល្លារ ដើម្បីសាងសង់។
កាលពីខែមិថុនាបន្ទាប់មករដ្ឋមន្រ្តីក្រសួងការពារជាតិលោក Taro Kono បានផ្អាកផែនការសម្រាប់ទីតាំង Aegis Ashore ចំនួន ២ កន្លែង ដោយលើកឡើងពីលទ្ធភាព ដែលអាចបាញ់គ្រាប់រ៉ុក្កែតស្ទាក់ចាប់មីស៊ីល អាចធ្លាក់ទៅលើអ្នករស់នៅក្បែរនោះ។
បំពាក់ជាមួយប្រព័ន្ធរ៉ាដារបស់ក្រុមហ៊ុន Lockheed Martin Corp SPY-7 យ៉ាងតិច ៣ ដងនៃប្រព័ន្ធ Aegis ចាស់ៗ ដែលត្រូវបានដាក់ពង្រាយនៅលើនាវាពិឃាតកងទ័ពជើងទឹកជប៉ុន ការធ្វើឱ្យប្រសើរនេះ នឹងអនុញ្ញាតឱ្យជប៉ុនប្រើប្រាស់មីស៊ីលស្ទាក់ចាប់ថ្មី ដើម្បីបាញ់គោលដៅក្បាលគ្រាប់ក្នុងលំហ ដែលបាញ់ដោយកូរ៉េខាងជើង ឬសក្តានុពលផ្សេងទៀត ដែលសត្រូវរួមមានចិន និងរុស្ស៊ី៕ដោយ ឈូក បូរ៉ា
