វ៉ាស៊ីនតោន៖ ក្រុមអ្នកជំនាញ ខាងគោលនយោបាយទ្វេភាគី របស់សហរដ្ឋអាមេរិក នៅថ្ងៃច័ន្ទម្សិលមិញនេះ បានអំពាវនាវឱ្យទីក្រុងវ៉ាស៊ីនតោន វិលត្រឡប់មកកិច្ចព្រមព្រៀង ពាណិជ្ជកម្មសេរីដ៏ធំមួយនៅប៉ាស៊ីហ្វិក និងការដាក់បញ្ចូលប្រទេសជប៉ុន ទៅក្នុងសម្ព័ន្ធមិត្តចែករំលែកព័ត៌មានចារកម្ម ដែលជាផ្នែកមួយនៃកិច្ចខិតខំប្រឹងប្រែង ដើម្បីជំរុញទំនាក់ទំនង សហរដ្ឋអាមេរិក – ជប៉ុន ចំពេលមានការកើនឡើងរបស់ចិន។
ក្រុមនេះដឹកនាំដោយ អតីតអនុរដ្ឋមន្រ្តី ក្រសួងការបរទេសសហរដ្ឋអាមេរិក លោក Richard Armitage និងលោក Joseph Nye អតីតជំនួយការក្រសួងការពារជាតិ ទទួលបន្ទុកកិច្ចការសន្តិសុខអន្តរជាតិ បានឲ្យដឹងថា សហរដ្ឋអាមេរិក គួរតែចូលរួមជាមួយ CPTPP ដើម្បីតម្រឹមជាមួយប្រទេសជប៉ុន ក្នុងនាមជាមេដឹកនាំ ក្នុងការធ្វើឱ្យមានច្បាប់សេដ្ឋកិច្ច។ របាយការណ៍ពិភាក្សា អំពីកតិកាសញ្ញាពាណិជ្ជកម្ម ដែលត្រូវបានគេស្គាល់ថា ជាដៃគូអន្តរប៉ាស៊ីហ្វិក។
កិច្ចព្រមព្រៀងពាណិជ្ជកម្មសេរី TPP ត្រូវបានគេមើលឃើញថា ជាទំងន់ប្រឆាំង នឹងកំណើនសេដ្ឋកិច្ចរបស់ចិន ដែលកំពុងកើនឡើង នៅក្នុងតំបន់អាស៊ីប៉ា-ស៊ីហ្វិក ប៉ុន្តែប្រធានាធិបតីលោក ដូណាល់ ត្រាំ ដែលបានអនុវត្តគោលនយោបាយ“ អាមេរិកាំងទីមួយ” បានដកសហរដ្ឋអាមេរិក ចេញពីកិច្ចព្រមព្រៀងនេះភ្លាមៗ បន្ទាប់ពីចូលកាន់តំណែង ក្នុងឆ្នាំ២០១៧ ដោយលោកបានមើលឃើញថា វាជាការរៀបចំ “សំលាប់ការងារ” ។
បើគ្មានសហរដ្ឋអាមេរិក ជប៉ុន និងសមាជិក ១០ ផ្សេងទៀត ដែលនៅសេសសល់ដូចជា អូស្រ្តាលីបានផ្លាស់ប្តូរ ទៅរកកិច្ចព្រមព្រៀង TPP ភាគច្រើនដែលឥឡូវហៅថា កិច្ចព្រមព្រៀងទូលំទូលាយ និងភាពជឿនលឿន សម្រាប់ភាពជាដៃគូអន្តរប៉ាស៊ីហ្វិក ឬ CPTPP៕ ដោយ៖ ឈូក បូរ៉ា
