តាមការសិក្សា នៃស្រាវជ្រាវថ្មី រកឃើញថា មានត្រឹមតែ៤០ ភាគរយ នៃព្រៃឈើពិភពលោក មិនត្រូវបានរងផលប៉ះពាល់ ដោយសកម្មភាព របស់មនុស្ស ដូចជាធ្វើកសិកម្ម ការកាប់ឈើ និងនគរូបនីយកម្ម ជាដើមនាពេលបច្ចុប្បន្ន នេះបើយោងតាមការចេញផ្សាយ ពីគេហទំព័រឌៀលីម៉ែល ។
ក្រុមអ្នកវិទ្យាសាស្ត្រ អន្តរជាតិចំនួន ៤៧ នាក់បានបង្ហាញថា មានតែ ៤០,៥ ភាគរយនៃព្រៃឈើ របស់ពិភពលោកមានភាពត្រឹមត្រូវ នៃប្រព័ន្ធអេកូឡូស៊ីមានន័យថា ពួកគេគ្មានការកែប្រែ ពីមនុស្សឡើយ ។ ការកែប្រែមនុស្សរួម មានការកាប់ឈើទ្រង់ទ្រាយឧស្សាហកម្ម ការបែងចែកតាមហេដ្ឋារចនាសម្ព័ន្ធ កសិកម្ម នគរូបនីយកម្ម ការបរបាញ់ហួសកម្រិត និងការទាញយកប្រេងឥន្ធនៈ ។
គោលដៅ នៃគោលនយោបាយបញ្ឈប់ការ កាប់បំផ្លាញព្រៃឈើជាទូទៅ មានភាពច្បាស់លាស់ និងមានមហិច្ឆិតា មានគោលដៅមិនច្បាស់លាស់ ជុំវិញការកាត់បន្ថយកម្រិត នៃការកែប្រែព្រៃឈើ ។ ដូច្នេះអ្នកជំនាញបានបង្កើតសន្ទស្សន៍ភាព ច្បាស់លាស់ នៃទេសភាព ព្រៃឈើ (FLII) និងផែនទីតាមអ៊ីនធើណេត បង្ហាញពីភាពត្រឹមត្រូវនៃប្រព័ន្ធអេកូឡូស៊ី នៃរុក្ខជាតិឈើទាំងអស់ នៅលើពិភពលោក មានកម្ពស់ខ្ពស់ជាង៥ម៉ែត្រត ។
FLII ធ្វើឲ្យស្ថានភាពព្រៃឈើនៅសេសសល់ នៅលើពិភពលោកមើលឃើញ សម្រាប់អ្នករាល់គ្នាជាលើកដំបូង ហើយអាចជូនដំណឹងដល់សកម្មភាពគោលដៅ ដើម្បីអភិរក្សគ្រប់គ្រង និងស្តារពួកវាឡើងវិញ ។ វាសង្ឃឹមថា FLII នឹងត្រូវបានប្រើសម្រាប់ រដ្ឋាភិបាល សម្រាប់ការគ្រប់គ្រងព្រៃឈើ ឲ្យកាន់តែប្រសើរឡើង និងចាប់ផ្តើមគោលនយោបាយ ប្រកបដោយមហិច្ឆតា ដែលផ្តល់អាទិភាពដល់ការ រក្សាភាពសុចរិតនៃព្រៃឈើ ៕ដោយ៖លី ភីលីព
