បរទេស៖ តាមសេចក្តីរាយការណ៍របស់ ប្រព័ន្ធផ្សព្វផ្សាយអាមេរិកបានអោយដឹងថា ប្រធានាធិបតីជាប់ឆ្នោតអាមេរិកលោក ចូ បៃដិន បានជ្រើសរើសឧត្តមសេនីយ៍ ចូលនិវត្តន៍ គឺលោក Lloyd Austin ធ្វើជារដ្ឋមន្រ្តីការពារជាតិរបស់លោក។
យោងតាមសារព័ត៌មាន BBC ចេញផ្សាយនៅថ្ងៃទី០៨ ខែធ្នូ ឆ្នាំ២០២០ បានឱ្យដឹងថា ប្រសិនបើមានការបញ្ជាក់ពីព្រឹទ្ធសភា, លោកឧត្តមសេនីយ៍ Austin ដែលមានអាយុ ៦៧ ឆ្នាំ នឹងក្លាយជាជនជាតិអាមេរិកដើមកំណើតអាហ្វ្រិក ដំបូងដែលដឹកនាំមន្ទីរបញ្ចកោណ។
ឧត្តមសេនីយ៍ Austin ដែលដឹកនាំបញ្ជាការកណ្តាលអាមេរិកក្នុងអំឡុងពេលរដ្ឋបាលអូបាម៉ា នឹងត្រូវការការលះបង់សមាជិកសភា ព្រោះវាមានរយៈពេលតិចជាង ៧ ឆ្នាំចាប់តាំងពីលោកចូលនិវត្តន៍។
បើតាមសេចក្តីរាយការណ៍ គឺថា ការសម្រេចចិត្តរបស់លោក បៃដិន បានកើតឡើងពីរសប្តាហ៍បន្ទាប់ពីលោកបានប្រកាសពីសមាសភាពសមាជិកជាន់ខ្ពស់ដទៃទៀតនៃក្រុមសន្តិសុខជាតិរបស់លោក៕ប្រែសម្រួលៈ ណៃ តុលា
