វ៉ាស៊ីនតោន ៖ ក្រុមហ៊ុន Facebook កំពុងត្រៀមខ្លួនទំាងបង្ខំ ក្នុងការលក់ទ្រព្យសម្បត្តិ WhatsApp និង Instagram បន្ទាប់ពីគណៈកម្មការពាណិជ្ជកម្ម សហព័ន្ធសហរដ្ឋអាមេរិក និងស្ទើរតែរាល់ រដ្ឋអាមេរិកបានដាក់ពាក្យបណ្តឹងប្រឆាំង នឹងក្រុមហ៊ុន ប្រព័ន្ធផ្សព្វផ្សាយ សង្គមដោយនិយាយថា កិច្ចព្រមព្រៀងនេះមិនយុត្តិធម៌ និងបង្កអន្តរាយដល់អតិថិជន យោងតាមការចេញផ្សាយ ពីគេហទំព័រជប៉ុនធូដេ ។
ជាមួយនឹងការដាក់ពាក្យបណ្តឹង ទំាង២នេះ Facebook ក្លាយជាក្រុមហ៊ុនបច្ចេកវិទ្យាធំទី២ ដែលប្រឈមនឹងបញ្ហាផ្លូវច្បាប់ ដ៏ធំមួយនៅឆ្នាំនេះ បន្ទាប់ពីក្រសួងយុត្តិធម៌អាមេរិក បានប្តឹងក្រុមហ៊ុន Google Alphabet Inc កាលពីខែតុលាដោយចោទប្រកាន់ក្រុមហ៊ុន ១ ពាន់ពាន់លានដុល្លារពីការប្រើប្រាស់អំណាច ទីផ្សាររបស់ខ្លួន ដើម្បីទប់ស្កាត់គូប្រជែង។
បណ្តឹងទាំងនេះបង្ហាញ ពីការមូលមតិគ្នាទ្វេភាគី ដែលកំពុងរីកចម្រើនដើម្បីធ្វើឲ្យ Big Tech ទទួលខុសត្រូវចំពោះការអនុវត្តអាជីវកម្ម របស់ខ្លួន ។ ពាក្យបណ្តឹងកាលពីថ្ងៃពុធ បានចោទប្រកាន់ Facebook ពីការទិញគូប្រជែងដោយផ្តោត ជាពិសេសលើការទិញ Instagram មុនរបស់ខ្លួនក្នុងតម្លៃ ១ ពាន់លានដុល្លារ ក្នុងឆ្នាំ ២០១២ និង WhatsApp ក្នុងតម្លៃ ១៩ ពាន់លានដុល្លារក្នុងឆ្នាំ ២០១៤ ។
FTC បាននិយាយនៅក្នុងសេចក្តីថ្លែងការណ៍មួយថា ខ្លួននឹងស្វែងរកការចោទប្រកាន់មួយ អាចទាមទារឲ្យមានការដកហូតទ្រព្យ សម្បត្តិរួមទាំង Instagram និង WhatsApp ។ នៅក្នុងពាក្យបណ្តឹង របស់ខ្លួនសម្ព័ន្ធភាពនៃរដ្ឋចំនួន ៤៦ រដ្ឋវ៉ាស៊ីនតោន D.C. និងGuamក៏បានស្នើសុំឲ្យការទិញយក Facebook របស់ Instagram និង WhatsApp ដើម្បីត្រូវបានវិនិច្ឆ័យថា ខុសច្បាប់។ រដ្ឋ Alabama, Georgia, South Carolina និង South Dakota មិនបានចូលរួម ក្នុងបណ្តឹងនេះទេ៕ ដោយ៖លី ភីលីព
