អង់គ្លេស ៖ ក្រុមអ្នកស្រាវជ្រាវសហរដ្ឋអាមេរិក អះអាងថា សីតុណ្ហភាពជាមធ្យម នៃទីប្រជុំជន និងទីក្រុងនៅទូទាំងពិភពលោក អាចឡើងដល់៤,៥ អង្សាសេជាងសព្វថ្ងៃនេះ នៅចុងសតវត្សរ៍នេះ នេះបើយោងតាមការចេញផ្សាយ ពីគេហទំព័រឌៀលីម៉ែល ។
ក្រុមមកពីសាកលវិទ្យាល័យ Illinois បានអនុវត្តគំរូអាកាសធាតុ ស្មុគស្មាញចំនួន ២៦ ខុសៗគ្នាទៅកាន់តំបន់ទីក្រុង នៅក្នុងការសិក្សាដំបូង របស់ខ្លួន ដើម្បីយល់កាន់តែច្បាស់ ពីផលប៉ះពាល់នៃការប្រែប្រួលអាកាសធាតុ ។ ក្រុមអាមេរិកព្រមានថា ពិភពលោកកំពុងប្រឈម នឹងសង្គ្រាមអវកាស ប្រសិនបើការបំភាយកាបូននៅតែខ្ពស់ ព្រោះព្រឹត្តិការណ៍សើមរួមទាំងគ្រោះរាំងស្ងួត និងទឹកជំនន់មហន្តរាយគឺជៀស មិនរួចលើកលែងតែមាន សកម្មភាពកើតឡើង ។
អង់គ្លេសនឹងវិលមុខជាប្រចាំ ក្នុងសីតុណ្ហភាពលើសពី ១០៤ អង្សាហ្វារិនហៃ (៤០ អង្សាសេ) ប្រសិនបើការព្យាករណ៍ ដែលធ្វើឡើងដោយក្រុមមកពីរដ្ឋ Illinois បង្ហាញថាត្រឹមត្រូវ។ អ្នកស្រាវជ្រាវលោកបណ្ឌិតLei Zhao មកពីសាកលវិទ្យាល័យ Illinois បាននិយាយថា ប្រជាជនជាងពាក់កណ្តាល នៃពិភពលោករស់នៅក្នុងបរិស្ថាន ទីក្រុងដូចជាទីប្រជុំជន។
លោក Zhao បានបន្តថា ទីក្រុងនានាមាននិន្នាការកក់ក្តៅ ជាងតំបន់ជនបទ ឬតំបន់ជាយក្រុង ពីព្រោះផ្ទៃដែលបានសាងសង់ធ្វើពីបេតុង និងកៅស៊ូក្រាលថ្នល់ស្រូប យកកម្ដៅបានច្រើន និងរារាំងភាពត្រជាក់ ៕ ដោយ៖លី ភីលីព
