the Goal នៅថ្ងៃនេះបានសរសេរថា កីឡាករខ្សែប្រយុទ្ធស្លាបវ័យក្មេងម្នាក់ នឹងត្រូវធ្វើដំណើរមកចូលរួម ជាមួយនឹងក្លឹបបិសាចក្រហម Man UTD ហើយនៅក្នុងខែនេះដើម្បីអាចចុះកុងត្រា និងឯកសារទាំងអស់ក្នុងការ
ផ្ទេរពីអ៊ីតាលី។
ប្រភពដដែលបានសរសេរទៀតថា ទីបំផុតក្លឹបបានសម្រេចរួចរាល់ ក្នុងការចុះកុងត្រាទិញយក កីឡាករខ្សែប្រយុទ្ធ ដែលមានឈ្មោះថា Amad Diallo ពីក្លឹប Atalanta ក្នុងតម្លៃខ្លួនប្រមាណជា ៣៧លានផោន ហើយពេលនេះ គាត់បានធ្វើការហោះហើរ ទៅដល់ទីក្រុងរ៉ូមជាមុនសិន ដើម្បីស្នើសុំវិសាមកអង់គ្លេស។
នៅពេលដែលកិច្ចការងារនេះរួចរាល់ គាត់នឹងអាចហោះត្រង់មកកាន់ទីក្រុង Manchester និងចូលរួមជាមួយនឹងមិត្តរួមក្លឹបថ្មី។ លោក Ole ដែលជាគ្រូបង្វឹក របស់ក្លឹបបិសាចក្រហម បាននិយាយថាសម្រាប់ Diallo យើងបានតាមដានសមត្ថភាព របស់គាត់ជាច្រើនឆ្នាំមកហើយ ហើយខ្ញុំផ្ទាល់ ក៏ធ្លាប់បានទស្សនាជំនាញរបស់គាត់ផងដែរ ដូចនេះជឿជាក់ថា នឹងក្លាយទៅជាកីឡាករដ៏អស្ចារ្យម្នាក់ នាពេលខាងមុខ៕
ប្រែសម្រួល៖ស៊ុនលី
