បរទេស៖ ទូរទស្សន៍ BBC ចេញផ្សាយនៅថ្ងៃអាទិត្យនេះ បានឲ្យដឹងថាអគ្គិសនីគិតមកត្រឹមពេលនេះ ត្រូវបានគេស្តារឡើងវិញខ្លួនហើយ បន្ទាប់ពីហេតុការណ៍ដាច់ភ្លើងអគ្គិសនីដែលបានកើតឡើង នៅទូទាំងប្រទេសកាលពីយប់មិញ។
វាបានកើតឡើងនៅពាក់កណ្តាលយប់ ដោយភ្លើងអគ្គិសនីបានដាច់ភ្លាមៗដោយមិនមាន ការផ្តល់ដំណឹងជាមុនឡើយហើយអាជ្ញាធរបានប្រកាសថាហេតុការណ៍នេះ នឹងអាចកើតឡើងជាច្រើនម៉ោង មុនពេលអាចដំណើរការឡើងវិញ។
ទោះបីជាយ៉ាងណាក្តីហេតុការណ៍ដាច់ភ្លើងបែបនេះ គឺត្រូវបានគេមើលឃើញថាមិនមែនជារឿងប្លែកឡើយ សម្រាប់ប៉ាគីស្ថានដោយក្នុងនោះអគារសាធារណៈ ដូចជាមន្ទីរពេទ្យជាដើមគឺសុទ្ធតែមានម៉ាស៊ីនភ្លើង ឯកជនផ្ទាល់ខ្លួនដើម្បីដោះស្រាយបញ្ហានេះម្តងៗ។
យោងតាមការបញ្ជាក់ របស់លោករដ្ឋមន្ត្រីទទួលបន្ទុកកិច្ចការងារថាមពល របស់ប៉ាគីស្ថានលោក Omar Ayub Khan បានសរសេរនៅលើ Twitter ថាដាច់ភ្លើងនៅទូទាំងប្រទេសលើកនេះ គឺបណ្តាលមកពីការឆ្លងនៅក្នុងប្រព័ន្ធបញ្ជូនថាមពល៕
ប្រែសម្រួល៖ស៊ុនលី
