វ៉ាស៊ីនតុន ៖ លោក Tim Cook អគ្គនាយកក្រុមហ៊ុនបច្ចេកវិទ្យាយក្ស និយាយថា កម្មវិធីParler ជាបណ្តាញសង្គម ដែលមានប្រជាប្រិយភាព ក្នុងចំណោមអ្នកអភិរក្ស អាចវិលត្រឡប់ទៅ App Store រប ស់ Apple វិញ ប្រសិនបើវាផ្លាស់ប្តូររបៀបការ បង្ហោះរបស់វាស្ថិតនៅលើវេទិកា យោងតាមការចេញផ្សាយ ពីគេហទំព័រជប៉ុនធូដេ ។
ក្រុមហ៊ុន Apple បានផ្អាកការទាញយកកម្មវិធី Parler ទាំងអស់ បន្ទាប់ពីការវាយប្រហារ ទៅលើក្រុមហ៊ុនកាពីតូលសហរដ្ឋអាមេរិក កាលពីថ្ងៃទី ៦ ខែមករា ដោយដកស្រង់ការបង្ហោះ នៅលើវេទិកាដែលអាចបង្កឥ្យមានអំពើហឹង្សា ថែមទៀត ចំណែកក្រុមហ៊ុន Google និងក្រុមហ៊ុន Amazon ក៏បានកាត់ផ្តាច់ទំនាក់ទំនង ជាមួយក្រុមហ៊ុនផងដែរ។
លោក Cook បានថ្លែងប្រាប់ Fox News អំពីការព្យួរ Parler ដែលគាំទ្រដោយអ្នកគាំទ្រ របស់ប្រធានាធិបតី Donald Trump ។ Cook បានបន្តថា យើងបានពិនិត្យមើលការញុះញង់ ឲ្យមានអំពើហិង្សាកើតមាននៅទីនោះ ហើយយើងមិនពិចារណាថា ការនិយាយដោយសេរី និងការញុះញង់ឲ្យមានអំពើហិង្សា មានចំនុចប្រសព្វគ្នាទេ ។
Parler បានប្តឹងក្រុមហ៊ុន Amazon កាលពីថ្ងៃទី ១១ ខែមករា បន្ទាប់ពីក្រុមហ៊ុន Amazon Web Services បានកាត់ផ្តាច់ការចូលប្រើប្រព័ន្ធអ៊ីនធើណេត របស់ម៉ាស៊ីន។ Parler បានចោទប្រកាន់ក្រុមហ៊ុន Amazon កំពុងរំលោភច្បាប់ប្រឆាំង នឹងសេចក្តីស្មោះត្រង់ និងធ្វើសកម្មភាព ដើម្បីជួយគូប្រជែងសង្គម Twitter ក៏បានហាមឃាត់លោក Trump ចំពោះភាសាដែលអាចញុះញង់ឲ្យមានអំពើហិង្សា៕ដោយ៖លី ភីលីព
