អង់គ្លេស ៖ និស្សិត នៅសាកលវិទ្យាល័យ Exeter នៃចក្រភពអង់គ្លេស បានបង្កើតបច្ចេកទេស ដែលមិនប៉ះពាល់ដល់បរិស្ថាន អាចជួយក្នុងការកសាងថ្មប៉ប្រះទឹកផ្កាថ្ម ឲ្យរស់នៅឡើងវិញ ចក្រភពអង់គ្លេស យោងតាមការចេញ ផ្សាយពីគេហទំព័រស្គាយញ៉ូវ ។
គម្រោងនេះមានឈ្មោះថា CalcifEXE ប្រើប្រាស់បាក់តេរីដែលបានកែប្រែហ្សែនដើម្បីបង្កើត ជាកាល់ស្យូមកាបូណាត បន្ទាប់មកអាចត្រូវបានគេធ្វើរាងជាឆ្អឹងខ្នង ផ្កាថ្មដោយប្រើម៉ាស៊ីន 3D ។ អ្នកវិទ្យាសាស្ត្រសង្ឃឹមថា ពួកគេអាចភ្ជាប់ផ្កាថ្មបន្ត ផ្ទាល់ទៅនឹងឆ្អឹងខ្នងមុនពេលដាក់វា ចូលក្នុងមហាសមុទ្រដើម្បីដាំថ្មប៉ប្រះទឹកថ្មី ។
លោកបណ្ឌិត Mark Hewlett អ្នកត្រួតពិនិត្យ និស្សិតបានប្រាប់ Sky News ថា វាពិតជាគួរឲ្យស្រឡាញ់ណាស់ក្នុងការគិតថា វានឹងក្លាយជាអាវុធថ្មី ក្នុងការប្រយុទ្ធប្រឆាំង នឹងការប្រែប្រួលអាកាសធាតុ។ ការផលិតកាបូនកាល់ស្យូម ដែលមានគុណភាពខ្ពស់ ជាធម្មតាទាមទារឲ្យមានសីតុណ្ហភាពខ្លាំង ហើយជាលទ្ធផលការបញ្ចេញកាបូនខ្ពស់។
ប៉ុន្តែវិធីសាស្រ្តផ្អែកលើបាក់តេរីរបស់ក្រុមនេះមិនមានការបំភាយឧស្ម័នឡើយ ផ្ទុយទៅវិញយកកាបូនចេញពីខ្យល់ ហើយចាក់សោវាចូល ក្នុងបរិវេណថ្មី។ លោក Ariane Goudie និស្សិតផ្នែករូបវិទ្យាឆ្នាំទី ៣ បាននិយាយថា គម្រោងរបស់យើងកំពុងស្រូបយកឧស្ម័នកាបូនិកពីបរិយាកាសដើម្បីផលិតកាបូនកាល់ស្យូម៕ដោយ៖លី ភីលីព
