ស៊ុយអ៊ែត ៖ អ្នកវិទ្យាសាស្ត្រជឿជាក់ថា ទីបំផុតពួកគេបានបំបែកអាថ៌កំបាំង នៃរបៀបដែលមេអំបៅហោះហើរ ទោះបីប្រភេទសត្វនេះ មានស្លាបខ្លីវែង និងធំខុសពីធម្មតាបើប្រៀបធៀប នឹងទំហំរាងកាយរបស់វាក៏ដោយ យោងតាមការចេញផ្សាយ ពីគេហទំព័រស្គាយញ៉ូវ ។
ការសិក្សាស្រាវជ្រាវថ្មីមួយ បានចុះផ្សាយក្នុងទស្សនាវដ្តី Royal Society រកឃើញថា គន្លឹះគ្មាននៅក្នុងការធ្លាក់ចុះ នៅពេលស្លាបរបស់មេអំបៅរុញពួកវាទៅមុខ ប៉ុន្តែស្ថិតក្នុងសភាពវឹកវរ នៅពេលស្លាបទះស្លាប ។ អ្នកស្រាវជ្រាវនិយាយថា នៅពេលស្លាបទះចូលគ្នា នៅចុងបញ្ចប់នៃការបញ្ឈប់ខ្យល់ រវាងស្លាបត្រូវបានសង្កត់ចេញបង្កើត ជាយន្តហោះប្រតិកម្មរុញសត្វ ក្នុងទិសដៅផ្ទុយ ។
ទ្រឹស្តីអំពីការតោងស្លាប ដើម្បីពន្យល់ ពីការហោះហើរមេអំបៅ ត្រូវបានស្នើឡើងដំបូងនាទសវត្សឆ្នាំ ១៩៧០ ប៉ុន្តែទើបតែត្រូវ បានបង្ហាញ ដោយអ្នកវិទ្យាសាស្ត្រស៊ុយអ៊ែត នៅសាកលវិទ្យាល័យLund ។ ក្រុមអ្នកស្រាវជ្រាវបានចាប់មេអំបៅព្រៃ ចំនួន ៦ នៅលើវាលស្មៅជុំវិញ ក្រុង Stensoffa នៅភាគខាងត្បូង ប្រទេសស៊ុយអែត និងវិភាគពីរបៀបមេអំបៅទាំងនេះ ហោះដោយប្រើម៉ាស៊ីនថតវីដេអូ ល្បឿនលឿន ដ៏មានអានុភាព និងផ្លូវរូងក្នុងខ្យល់។
ក្រុមអ្នកស្រាវជ្រាវ ក៏បានពិនិត្យមើលថា តើស្លាបដែលអាចបត់បែន បានរបស់សត្វនេះមានតួនាទី យ៉ាងដូចម្តេចខ្លះក្នុងការបង្កើតរូប សណ្ឋានអាចជួយឲ្យយន្ដហោះនេះ រុញទៅមុខបានដោយ ការអភិវឌ្ឍទះដៃមេកានិច ។ ឈុតទះដៃមួយក្នុងចំណោម២ឈុតគឺតឹងរឹ ងខណៈមួយទៀតអាចបត់បែន បានស្រដៀងនឹង ស្លាបមេអំបៅ៕ដោយ៖លី ភីលីព
