អង់គ្លេស ៖ ការសិក្សាមួយ បានព្រមានថា ដរាបណាវិធានការ នានា ត្រូវបានធ្វើឡើង ដើម្បីទប់ស្កាត់ការ ប្រែប្រួលអាកាសធាតុ រដូវក្តៅនៅចក្រភពអង់គ្លេស និងនៅតំបន់អឌ្ឍគោល ខាងជើង អាចមានរយៈពេល ៦ ខែគិតត្រឹមឆ្នាំ២១០០ នេះបើយោងតាមការចេញ ផ្សាយពីគេហទំព័រឌៀលីម៉ែល ។
ក្រុមអ្នកស្រាវជ្រាវ មកពីប្រទេសចិន បានប្រើប្រាស់ទិន្នន័យ អាកាសធាតុ និង គំរូអាកាសធាតុ ដើម្បីកំណត់ពីរដូវកាល បានផ្លាស់ប្តូរនាពេលកន្លង មកហើយទំនងជានឹង ផ្លាស់ប្តូរនាពេលអនាគត ។ ការផ្លាស់ប្តូរក៏ អាចឃើញ រដូវរងារធ្លាក់ ចុះដល់រយៈពេល តែ២ខែ ដោយមានឥទ្ធិពល យ៉ាងខ្លាំងលើ វិស័យកសិកម្ម សុខភាពមនុស្ស និងបរិស្ថាន ។
អ្នកស្រាវជ្រាវ និងអ្នកវិទ្យាសាស្ដ្រផ្នែករូប វិទ្យា លោក Yuping Guan នៃបណ្ឌិត្យសភាវិទ្យាសាស្ត្រចិន បាននិយាយថា រដូវក្ដៅកាន់តែវែង ហើយ ក្តៅជាង ខណៈរដូវរងាកាន់តែខ្លី និងក្តៅជាងមុន ដោយសារតែការឡើង កម្តៅផែនដី។ លោកបានបន្ថែមថា ជាញឹកញយ ខ្ញុំបានអានរបាយការណ៍ អាកាសធាតុមិនសមហេតុផល មួយចំនួន ឧទាហរណ៍ រដូវផ្ការីកមិនពិត ឬឧសភា និងអ្វីផ្សេងទៀត។
ការសិក្សារបស់ពួក គេវេជ្ជបណ្ឌិត Guan និងសហការីបាន វិភាគ ទិន្នន័យអាកាសធាតុប្រវត្តិសាស្រ្ត នៅអឌ្ឍគោលខាងជើង ត្រូវបានប្រមូលជារៀងរាល់ថ្ងៃ ចាប់ពីឆ្នាំ ១៩៥២–២០១១ ដើម្បីកំណត់ពីរយៈពេល និងការចាប់ផ្តើម នៃរដូវនីមួយៗ ដែលបានផ្លាស់ប្តូរ ជាមួយនឹងពេលវេលា ។ ក្រុមការងារបានកំណត់ ការចាប់ផ្តើមនៃរដូវក្តៅ នីមួយៗថា នៅពេលសីតុណ្ហភាព ឡើងដល់ ២៥ ភាគរយសម្រាប់ឆ្នាំ នោះហើយរដូវរងា ជាការចាប់ផ្តើម នៃសីតុណ្ហភាពត្រជាក់បំផុត ២៥ ភាគរយ៕ដោយ៖លី ភីលីព
