អ៊ីតាលី ៖ យោងតាមលទ្ធផល នៃការសិក្សាថ្មីមួយបានបង្ហាញថា ការពាក់ម៉ាស បិទមុខអំឡុង ពេលហាត់ប្រាណខ្លាំង គឺមានសុវត្ថិភាព សម្រាប់មនុស្ស ដែលមានសុខភាពល្អ បន្ទាប់ពីក្រុមអ្នកស្រាវជ្រាវ សាកល្បងសមត្ថភាព ដកដង្ហើមសកម្មភាពបេះដូង និងការធ្វើលំហាត់ប្រាណនេះ បើយោងតាមការ ចេញផ្សាយពីគេហទំព័រឌៀលីម៉ែល ។
ក្រុមអ្នកស្រាវជ្រាវអ៊ីតាលី បានសាកល្បង សមត្ថភាពដកដង្ហើម សកម្មភាពបេះដូង និងការធ្វើលំហាត់ប្រាណក្នុងក្រុមមនុស្ស១២នាក់ដែលមានសុខភាពល្អ ខណៈពួកគេកំពុងប្រើកង់ហាត់ប្រាណ ដោយគ្មានពាក់របាំងមុខ ។ ទោះបីជាអ្នកជំនាញ បានរកឃើញភាពខុសគ្នា នៃការវាស់វែងមួយចំនួន រវាងការពាក់របាំងមុខ និងមិនពាក់ម៉ាសក៏ដោយ ក៏មិនមានសញ្ញាណាមួយ ពាក់របាំងមុខអំឡុងពេលធ្វើលំហាត់ប្រាណបង្ហាញពីគ្រោះថ្នាក់ដល់សុខភាព។
អ្នកស្រាវជ្រាវបានអះអាងថា ការប្រើប្រាស់របាំងអំឡុង ពេលហាត់ប្រាណបណ្តាល ឲ្យមានភាពមិនស្រួលផ្លូវ ដង្ហើមតិច តួច ប៉ុន្តែសម្រាប់អ្នក ដែលមានសុខភាពពេញ លេញការប្រើប្រាស់របស់ពួកគេ គឺមានសុវត្ថិភាព សូម្បីតែអំឡុងពេលហាត់ប្រាណ អតិបរមាក៏ដោយ។ គួរកត់សម្គាល់ថា ពួកគេបានសាកល្បង តែមនុស្សមានសុខភាពល្អ ប៉ុណ្ណោះ ហើយអ្នកមានបញ្ហាផ្លូវដង្ហើម មិនគួរបញ្ចូលគ្នាជាមួយ នឹងការធ្វើលំហាត់ប្រាណ ដោយពាក់ម៉ាសបិទ មុខនោះទេ ។
ទោះបីជាមានការសន្និដ្ឋាន របស់ពួកគេក៏ដោយក៏អង្គការ សុខភាពពិភពលោក (WHO) សង្កត់ធ្ងន់ថាគ្មាននរណាម្នាក់ មានសុខភាពល្អទេបើមិនដូច្នេះទេ គួរតែពាក់របាំងមុខ នៅពេលហាត់ប្រាណ ៕ ដោយ៖លី ភីលីព
