អ៊ីស្រាអែល៖ បំណែកឯកសារ ឬរមូរជាច្រើននៃសមុទ្រមរណៈ ដែលត្រូវបានគេគិតថា បានលាក់ទុក ក្នុងអំឡុងការបះបោររបស់ជ្វីហ្វ ប្រឆាំងនឹងរ៉ូមកាល១,៩០០ ឆ្នាំមុន ត្រូវបានគេរកឃើញ ក្នុងរូងភ្នំមួយនៅប្រទេសអ៊ីស្រាអែល នេះបើយោងតាមការចេញផ្សាយ ពីគេហទំព័រឌៀលីម៉ែល។
ក្រុមអ្នកជំនាញបានបញ្ជាក់ថា បំណែកទាំងនោះរួមមាន អត្ថបទជាភាសាក្រិក ចេញពីសៀវភៅព្រះគម្ពីរនៃសាការី និងណាហ៊ម ហើយត្រូវបានថត ដោយកាំរស្មីអ៊ិចនៅសតវត្សរ៍ទី២ នៃគ.ស។ អាជ្ញាធរបុរាណវត្ថុ របស់អ៊ីស្រាអែលនិយាយថា បំណែកជាង ២០ ត្រូវបានរកឃើញ នៅក្នុងជ្រលងភ្នំដាច់ស្រយាលមួយ នៅវាលខ្សាច់យូដាស នៅភាគខាងត្បូងនៃក្រុងយេរូសាឡិម នេះជាការរកឃើញដំបូង នៃវត្ថុនេះក្នុងរយៈពេល ៦០ ឆ្នាំ។
ពួកគេត្រូវបានគេរកឃើញ នៅក្នុងរូងភ្នំនៃភាពភ័យរន្ធត់ ត្រូវបានគេដាក់ឈ្មោះ នៅទសវត្សឆ្នាំ ១៩៥០ បន្ទាប់ពីគ្រោងឆ្អឹងរបស់ស្ត្រី បុរស និងកុមារចំនួន ៤០ នាក់ ត្រូវបានគេរកឃើញ ក្រោយពីជីករួច ពួកគេត្រូវបានលាក់ខ្លួនពីទាហានរ៉ូម៉ាំង ក្នុងអំឡុងការបះបោររបស់ជនជាតិជ្វីហ្វ Bar Kochbaនៅសតវត្សរ៍ទី ២ ។
វត្ថុមួយចំនួន ត្រូវបានគេរកឃើញនៅក្នុងរូងភ្នំ រួមទាំងកន្ត្រកត្បាញ ដែលមានអាយុកាល១០,០០០ ឆ្នាំគ្រោងឆ្អឹងរបស់ក្មេងស្រី ដែលមានអាយុកាល ៦,០០០ ឆ្នាំ និងបំណែកគម្ពីរ។ ពួកគេត្រូវបានគេរកឃើញលើកំណាត់ឈើ ហើយរមៀលឡើងនៅក្នុងរូងភ្នំ រហូតមកដល់ពេលនេះ មានអត្ថបទជាភាសាក្រិកចំនួន ១១ បន្ទាត់ ត្រូវបានបកប្រែ ចេញពីសៀវភៅសាការី និងណាហ៊ូមត្រូវបានបង្ហាញ៕ ដោយ៖លី ភីលីព
