វ៉ាស៊ីនតោន៖ ក្រុមហ៊ុន Pfizer Inc បានឲ្យដឹងថា វ៉ាក់សាំងបង្កាជំងឺកូវីដ- ១៩ របស់ខ្លួន មានប្រសិទ្ធភាព ១០០ ភាគរយប្រឆាំងនឹងមេរោគឆ្លងថ្មី ចំពោះកុមារ ដែលមានអាយុចន្លោះពី ១២ ទៅ ១៥ ឆ្នាំ ហើយខ្លួននឹងស្វែង រកការអនុញ្ញាតឱ្យប្រើប្រាស់ ជាបន្ទាន់នៅសហរដ្ឋអាមេរិក សម្រាប់ក្រុមអាយុនៅសប្តាហ៍ខាងមុខនេះ ។
យោងតាមការចុះផ្សាយ របស់ទីភ្នាក់ងារសារព័ត៌មានក្យូដូជប៉ុន បានឲ្យដឹងថា បច្ចុប្បន្នវ៉ាក់សាំង ដែលត្រូវបានបង្កើតឡើងដោយ Pfizer និងដៃគូអាល្លឺម៉ង់ BioNTech SE ត្រូវបានអនុញ្ញាតិឲ្យប្រើប្រាស់ចំពោះមនុស្ស ដែលមានអាយុចាប់ពី ១៦ ឆ្នាំឡើងទៅ ។
នៅក្នុងការសាកល្បងព្យាបាល ដែលទាក់ទងនឹងមនុស្សវ័យ ជំទង់ចំនួន ២,២៦០ នាក់ នៅសហរដ្ឋអាមេរិក, ករណីចំនួន ១៨ នៃជំងឺកូវីដ-១៩ ដែលជាជំងឺផ្លូវដង្ហើម ដែលបង្កឡើងដោយវីរុស នេះ ត្រូវបានគេសង្កេតឃើញ លើអ្នកដែលបានទទួលការចាក់ថ្នាំ បង្ការរោគទល់នឹងក្រុម ដែលចាក់វ៉ាក់សាំងរួចរាល់ ។
លោក Albert Bourla ប្រធាន និងជានាយកប្រតិបត្តិ របស់ក្រុមហ៊ុន Pfizer បានលើកឡើងថា“ យើងចែករំលែកនូវភាពបន្ទាន់ ដើម្បីពង្រីកការអនុញ្ញាត ឱ្យចាក់វ៉ាក់សាំងរបស់យើង ក្នុងការប្រើប្រាស់ចំពោះប្រជាជនវ័យក្មេង និងត្រូវបានលើកទឹកចិត្តដោយទិន្នន័យសាកល្បង” ចំពោះនិយ័តករ នៅសហរដ្ឋអាមេរិក និងនៅជុំវិញពិភពលោក។
លោកបានសម្តែងក្តីសង្ឃឹមថា នឹងឃើញក្រុមអាយុ ចាប់ផ្តើមចាក់វ៉ាក់សាំងមុនឆ្នាំសិក្សា បន្ទាប់ពីចាប់ផ្តើម។ ក្រុមហ៊ុន Pfizer និង BioNTech បានឲ្យដឹងថា ពួកគេកំពុងបន្តការសិក្សាមួយ ដែលផ្តោតលើកុមារអាយុចាប់ពី ៦ ខែដល់ ១១ ឆ្នាំ ដើម្បីវាយតម្លៃសុវត្ថិភាព នៃវ៉ាក់សាំងពីរដូសរបស់ពួកគេ សម្រាប់កុមារតូចៗ ៕
ដោយ ឈូក បូរ៉ា
