អ្នកជំនាញព្រមានថា ដុំភ្លើងដ៏អស្ចារ្យមួយ បានលេចចេញនៅលើមេឃ លើទីក្រុងរាប់ពាន់ នៅទូទាំងអឺរ៉ុប និងអាស៊ីក្នុងឆ្នាំ ១៥៨២ ហើយកំណត់ហេតុ នៃការមើលឃើញដោយផ្ទាល់ អំពីព្យុះព្រះអាទិត្យ នេះត្រូវបានគេរកឃើញថ្មីៗនេះ នឹងធ្វើឲ្យខូចខាតទឹកប្រាក់ រាប់ពាន់លានដុល្លារ និងផ្តាច់បណ្តាញអគ្គិសនីនៅទូទាំងពិភពលោក នេះបើយោងតាមការចេញផ្សាយ ពីគេហទំព័រឌៀលីម៉ែល ។
អ្នកវិទ្យាសាស្ត្រ នៅសាកលវិទ្យាល័យ Cornell បានរកឃើញ នៃការស៊ើបអង្កេតដោយផ្ទាល់ភ្នែក រាយការណ៍ថា ការបង្ហាញភ្លើងពណ៌ក្រហម នៅលើមេឃមានរយៈពេល ៣ ថ្ងៃ ខណៈម្នាក់ទៀតនិយាយថា ជាកាំរស្មីភ្លើង ដែលបានឆាបឆេះ នៅលើប្រាសាទគួរឲ្យខ្លាច។ ប្រជាជននៅពេលនេះមិនបានដឹងថា ព្រឹត្តិការណ៍នេះ គឺជាព្យុះព្រះអាទិត្យ ដ៏ធំនោះទេ ប៉ុន្តែតារាវិទូសម័យថ្មី កំពុងប្រើព្យុះដើម្បីជួយព្យាករណ៍ សកម្មភាពព្រះអាទិត្យ នាពេលអនាគត ។
អ្នកជំនាញនិយាយថា ព្យុះព្រះអាទិត្យដែលវាយប្រហារផែនដីនៅថ្ងៃទី ៨ ខែមីនា ឆ្នាំ ១៥៨២ អាចប្រៀបធៀបទៅនឹងព្យុះនៅឆ្នាំ ១៩០៩ និង ១៩៨៩ បង្ហាញថា វាជាការកើតឡើងម្តងក្នុងមួយសតវត្សរ៍ហើយ មួយឬពីរអាចត្រូវបានគេរំពឹងទុកនៅសតវត្សរ៍ទី ២១ ។
ប្រសិនបើព្យុះព្រះអាទិត្យ ខ្លាំងស្រដៀងគ្នា នឹងវាយប្រហារលើពិភព ទំនើបរបស់យើង វានឹងបង្កការខូចខាត រាប់ពាន់លានដុល្លារ និងបំផ្លាញបណ្តាញ អគ្គិសនីទូទាំងពិភពលោក ។
អាកាសធាតុក្តៅខ្លាំង ឬព្យុះព្រះអាទិត្យ កើតឡើងនៅពេលព្រះអាទិត្យបាញ់ផ្លាស្មា ដែលពុះក្នុងទម្រង់ ជាអណ្តាតភ្លើងព្រះអាទិត្យ និងខ្យល់។ ទោះបីព្យុះព្រះអាទិត្យច្រើន តែគ្មានការបង្កគ្រោះថ្នាក់ក៏ពិតមែន ប៉ុន្តែទំហំធំល្មមមួយអាច នឹងជះឥទ្ធិពលដល់មហន្តរាយ ៕ ដោយ៖លី ភីលីព
