អាមេរិក ៖ ដំណាំងាប់ជិតអស់ និងហានិភ័យភ្លើងឆេះ បានកើនឡើងជិត៥០ ភាគរយនៃទឹកដីសហរដ្ឋអាមេរិក និងប្រជាជន ៧៤ លាននាក់ជួបគ្រោះរាំងស្ងួត ហើយអ្នកជំនាញព្រមាន ថា ស្ថានភាពបែបនេះ កាន់តែអាក្រក់ទៅៗហើយ នេះបើយោងតាមការចេញផ្សាយ ពីគេហទំព័រឌៀលីម៉ែល ។
ការឃ្លាំមើលគ្រោះរាំងស្ងួត របស់អាមេរិកបង្ហាញពីឆ្នេរសមុទ្រ ប៉ាស៊ីហ្វិកទៅកាន់តំបន់វាលទំនាប ដ៏ធំនិងភាគខាងលិច បច្ចុប្បន្នស្ថិតក្នុង ចំណាត់ថ្នាក់មធ្យម ដោយរដ្ឋអារីហ្សូណា រដ្ឋយូថាហ៍ រដ្ឋនេវ៉ាដា រដ្ឋខូឡូរ៉ាដូ និងរដ្ឋកាលីហ្វ័រញ៉ា ស្ថិតក្នុងចំណោមរដ្ឋ ដែលរងគ្រោះខ្លាំងជាងគេ។
មន្រ្តីអាកាសធាតុកំពុងចង្អុលបង្ហាញពីរដូវមូសុង រដូវក្តៅខ្សោយកាលពីឆ្នាំមុន និងកំពុងបន្តលក្ខខណ្ឌ La Niña ជាអ្នកចូលរួមធំជាងគេ។ ពលរដ្ឋអាមេរិកចំនួន ៧៤ លាននាក់ រស់នៅក្នុងតំបន់ទាំងនេះ ភាគច្រើនពឹងផ្អែក លើទន្លេខូឡូរ៉ាដូសម្រាប់ផឹក និងដាំដំណាំស្រោចស្រពដែលបច្ចុប្បន្ន មានកម្រិតទឹកទាបជាងធម្មតា ។
រដ្ឋបាលជាតិមហាសមុទ្រ និង បរិយាកាស (NOAA) ក៏បានកត់សម្គាល់ថា សីតុណ្ហភាព ជាមធ្យមខាងលើ ត្រូវបានគេរំពឹងទុកនៅលើ សហរដ្ឋអាមេរិក ទាំងមូលអាចពង្រីកភាពស្ងួត ដល់គ្រប់តំបន់នៃប្រទេស ។ គ្រោះរាំងស្ងួតមានលក្ខណៈធម្មតា នាពេលនេះនៅសហរដ្ឋអាមេរិក ប៉ុន្តែតំបន់ជាច្រើននៅតែទទួលរង ពីភាពស្ងួតកាលពីឆ្នាំមុន ។
របាយការណ៍របស់ Bloombergថា រដ្ឋចំនួន១១ ភាគខាងលិច នៃសហរដ្ឋអាមេរិកមានប្រហែល ៧៥ ភាគរយ នៃដីស្ថិតនៅក្នុងគ្រោះរាំងស្ងួត ដែលគ្របដណ្តប់ជាង ៤៤ ភាគរយនៃប្រទេស។ឆ្នាំនេះក៏ត្រូវបានគេចាត់ទុកថា ជានិទាឃរដូវស្ងួតទី ៧ ក្នុងរយៈពេល ៧ ឆ្នាំ ដោយអ្នកជំនាញនិយាយថាដោយសារ តែការប្រែប្រួលអាកាសធាតុ ៕ដោយ៖លី ភីលីព
