ញូវយ៉ក៖ បន្ទាប់ពីការប្រកួតប្រជែងគ្នា រវាងសហជីពនៅឃ្លាំងមួយ នៃរដ្ឋ Alabama ស្ថាបនិកក្រុមហ៊ុន Amazon លោក Jeff Bezos បានទទួលស្គាល់ថា ក្រុមហ៊ុន Amazon ត្រូវធ្វើឲ្យបានល្អប្រសើរ សម្រាប់កម្មកររបស់ខ្លួន ហើយប្តេជ្ញា ធ្វើឲ្យក្រុមហ៊ុន Amazon ក្លាយជាកន្លែងមានសុវត្ថិភាព ក្នុងការធ្វើការចំពោះបុគ្គលិក យោងតាម ការចេញផ្សាយ ពីគេហទំព័រជប៉ុនធូដេ។
លោក Bezos ធ្វើការសន្យាក្នុងលិខិតប្រចាំឆ្នាំ របស់លោកទៅកាន់ម្ចាស់ភាគហ៊ុន។ លោកបានបន្តថា លោកមិនមានអារម្មណ៍ធូរស្បើយទេ ចំពោះលទ្ធផល នៃការបោះឆ្នោត សហជីពនាពេលថ្មីៗនេះ នៅ Bessemer រដ្ឋAlabama ទោះបីជាកម្មករ នៅទីនោះច្រានចោល សហជីពយ៉ាងច្រើនក៏ដោយ។លោក Bezos នឹងលាឈប់ពីតំណែង ជានាយកប្រតិបត្តិ នៅចុងឆ្នាំនេះ ហើយនឹងក្លាយជា ប្រធាននាយកប្រតិបត្តិ ក្រុមហ៊ុនទិញទំនិញ តាមអ៊ីនធើណេត បាននិយាយថា ខ្ញុំគិតថាយើងត្រូវធ្វើការងារ ដែលប្រសើរជាងមុន សម្រាប់បុគ្គលិករបស់យើង។
ការព្យាបាលកម្មករ របស់ក្រុមហ៊ុន Amazon បានស្ថិតនៅក្នុងការយកចិត្តទុកដាក់ ក្នុងកំឡុងពេលមានជំងឺរាតត្បាត ខណៈមេរោគឆ្លងកំពុងផ្ទុះឡើង កម្មករឃ្លាំង ត្រូវខ្ចប់ការបញ្ជាទិញ នៅពេលការលក់ របស់ក្រុមហ៊ុន Amazon បានកើនឡើង។ អគ្គមេធាវីញូវយ៉ក កំពុងប្តឹងក្រុមហ៊ុន Amazon ពីបទមិនបានធ្វើអ្វីគ្រប់គ្រាន់ ដើម្បីការពារកម្មករប្រឆាំង នឹងវីរុសនៅទីតាំងពីរក្នុងទីក្រុង។
លិខិតពី Bezos កើតឡើងមួយសប្តាហ៍ បន្ទាប់ពីកម្មករនៅរដ្ឋ Alabama បានបោះឆ្នោតប្រឆាំង នឹងការបង្កើតសហជីព ដោយកាត់ផ្តាច់ផ្លូវមួយ ដែលសកម្មជនកម្មករ សង្ឃឹមថានឹងនាំឲ្យមាន កិច្ចខិតខំប្រឹងប្រែង ស្រដៀងគ្នានៅទូទាំងក្រុមហ៊ុន។ កម្មករដែលកំពុងស្វែងរក សហជីពបាននិយាយថា ពួកគេចំណាយពេល ១០ ម៉ោងក្នុងមួយថ្ងៃ ដោយវេចខ្ចប់ប្រអប់ស្បែកជើង និងប្រអប់ដាក់ឥវ៉ាន់ ដោយនៅសល់ពេលតែ ៣០ នាទីប៉ុណ្ណោះ ហើយមិនមានពេលគ្រប់គ្រាន់ សម្រាប់ញ៉ាំអាហារថ្ងៃត្រង់ ចូលបន្ទប់ទឹក ឬងើបពីការងារ ធ្វើបែបនោះទេ៕ ដោយ៖លី ភីលីព
