តាមការសិក្សាថ្មីមួយ បានឲ្យដឹងថា មនុស្សសម័យបុរាណ “Neanderthals” រស់នៅក្នុងប្រទេស អូស្ត្រាលី កាលពី ៥០០,០០០ ឆ្នាំមុនបានប្រើប្រាស់ ដំបង ប៊ូស៊ឺម៉ង ដើម្បីកែប្រែរូបរាង ឧបករណ៍ថ្ម ហើយមិនត្រឹម តែសម្រាប់ចោលប៉ុណ្ណោះទេ នេះបើយោងតាមការចេញផ្សាយ ពីគេហទំព័រឌៀលីម៉ែល ។
ក្រុមអ្នកស្រាវជ្រាវ មកពីសាកលវិទ្យាល័យ Griffith បានវិភាគរកស្លាកស្នាមមីក្រូទស្សន៍ នៅលើផ្ទៃដំបងប៊ូស៊ឺម៉ង ចំនួន ១០០ ដែលបានប្រមូលមកពីរដ្ឋ និងទឹកដីនីមួយៗ នៃប្រទេសអូស្ត្រាលី ។ ក្រុមអ្នកស្រាវជ្រាវនិយាយថា មនុស្សបុរាណបានប្រើប្រាស់ វត្ថុធ្វើពីឈើកោងបែបប្រពៃណី សម្រាប់គោលបំណងធំទូលាយ ជាងការស្មាន ពីមុនមករួមទាំងឆ្លាក់ថ្ម ។
អ្នកស្រាវជ្រាវសិក្សា Eva Martellotta បាននិយាយថា ដំបងប៊ូស៊ឺម៉ង នឹងមានគោលបំណងច្រើន ហើយមិនមែនទាំងអស់នោះ ជាប្រភេទ ដែលបានវិលត្រឡប់ទៅម្ចាស់ របស់ពួកគេវិញទេ ។ ដំបង ប៊ូស៊ឺម៉ង ត្រូវបានប្រើសម្រាប់ការ សិក្សានេះត្រូវបានធ្វើឡើង ដោយសារមន្ទីរអូស្រ្តាលី នៅទីក្រុងស៊ីដនីធ្វើឲ្យ អ្នកស្រាវជ្រាវអាចរកឃើញពីទូទាំងទ្វីប ក្នុងពេលតែមួយ ។
ពួកគេបានពិនិត្យមើលស្នាម អតិសុខុមទស្សន៍ នៅលើផ្ទៃនៃដំបងប៊ូស៊ឺម៉ង ដោយប្រើវិធីសាស្រ្តត្រូវ បានគេស្គាល់ផងដែរថា ជាការប្រើប្រាស់ពាក់ ។ ដោយប្រើវិធីសាស្ត្រនេះអ្នកស្រាវ ជ្រាវអាចមើលឃើញកាន់តែច្បាស់នូវអ្វីដែលការងារដំបងប៊ូស៊ឺម៉ងត្រូវបានប្រើដោយជនជាតិអូស្ត្រាលីនាពេលកន្លងមក។
លោកស្រី Martellotta បានពន្យល់ថា មិនមែនគ្រប់ដំបង ប៊ូស៊ឺម៉ង ទាំងអស់ត្រូវបានរចនាឡើង ដើម្បីត្រលប់មកវិញ នោះទេ ដែលភាគច្រើន នៃមនុស្សសម័យបុរាណប្រើសម្រាប់គោលបំណងបរបាញ់ និងប្រយុទ្ធ ។ នាងបានបន្តថា ដំបងប៊ូស៊ឺម៉ងវិលត្រឡប់មកវិញច្រើន តែជារបស់ក្មេងលេង ឬប្រើសម្រាប់ល្បែង និងគោលបំណងរៀន ៕ដោយ៖លី ភីលីព
