អាមេរិក ៖ ក្រុមហ៊ុនបច្ចេកវិទ្យាយក្ស សហរដ្ឋអាមេរិក Apple បង្ហាញ iPad Pro ថ្មីជាមួយបន្ទះឈីប M1 ដែលមានមុខងារ សម្គាល់ផ្ទៃមុខ និងកាមេរ៉ាជាមួយ ឧបករណ៍ ចាប់សញ្ញាឡា ស៊ែរ LiDAR ដើម្បីចាប់យកព័ត៌មានលម្អិតមិនគួរឲ្យជឿ នៅក្នុងលក្ខខណ្ឌពន្លឺទាប នេះបើយោងតាមការចេញផ្សាយ ពីគេហទំព័រឌៀលីម៉ែល ។
ឧបករណ៍នេះគឺជាឧបករណ៍ដំបូង គេរាប់បញ្ចូលទាំងបន្ទះឈីប M1 របស់ក្រុមហ៊ុនយក្ស ដែលផ្តល់នូវផលិតផល iPad Pro ជាមួយនឹងមុខងារស្រដៀងគ្នា នៃកុំព្យូទ័រលើតុ iMac ។ ជាមួយនឹងប្រព័ន្ធដំណើរការដោយធ្វើការ អាប់ដេត ហើយក្រុមហ៊ុន Apple និយាយថា ការដំណើរការក្រាហ្វិក មានល្បឿនលឿនជាង ១៥០០ ដង និងមាន ថាមពលថ្មដល់ទៅ១០ ម៉ោង ។
iPad Pro មានអេក្រង់ Liquid Retina XDR ស៊េរីថ្មីសមត្ថភាព 5G និងកាមេរ៉ាខាងមុខថ្មី Ultra Wide ។ iPad Pro ថ្មីមាន ១១ អ៊ីញ និង ១២,៩ អ៊ីញ ហើយចាប់ផ្តើមក្នុងតម្លៃពី ៧៩៩ ដុល្លារអាចធ្វើការបញ្ជាទិញ ជាផ្លូវការនៅថ្ងៃទី ៣០ ខែមេសាហើយការដឹកជញ្ជូន ចាប់ផ្តើមនៅពាក់កណ្តាលខែឧសភា។
លោក Greg Joswiak អនុប្រធាន ជាន់ខ្ពស់នៃក្រុមហ៊ុនទីផ្សារទូទាំងពិភពលោក របស់ក្រុមហ៊ុន Apple បានមានប្រសាសន៍ថា បន្ទះឈីប M1 បដិវត្តគឺជារបកគំហើញថ្មី សម្រាប់ Mac ហើយយើងពិតជារំភើបណាស់ ក្នុងការនាំវាទៅ iPad Pro ។
ជាមួយនឹងការលោតដ៏ខ្លាំង ក្នុងការសម្តែងបទពិសោធន៍ ដ៏អស្ចារ្យនៃការបើកការសន្ទនា លើអេក្រង់លាតប្រភេទ Retina XDR ទំហំ ១២.៩ អ៊ីញ មានទំហំផ្ទុក 2TB ល្បឿនលឿនការពង្រីក Thunderbolt ប្រព័ន្ធអូឌីយ៉ូចំនួន៤ និង កាមេរ៉ាប្រព័ន្ធ LiDAR Scanner ។
ដោយការ ភ្ជាប់ប្រព័ន្ធ អ៊ីនធើណេត 5G ដែលជាបទពិសោធដ៏អស្ចារ្យ ក្នុងការហៅជាវីដេអូ ជាមួយស្ទ្រីមស្ទ្រីតរួមបញ្ចូល ជាមួយលក្ខណៈពិសេសកម្រិតខ្ពស់ របស់ iPadOS និងប្រព័ន្ធអេកូជាមួយកម្មវិធី ដ៏មានអានុភាពមាននៅក្នុងឧបករណ៍ ដែលអ្នកប្រើប្រាស់អាចកាន់បាន ដោយគ្មានអ្វីផ្សេងទៀត ដូចជា iPad Pro ទេ ៕ ដោយ៖លី ភីលីព
