តូក្យូ ៖ ប្រភពដែលមានចំណេះដឹង អំពីបញ្ហានេះ បាននិយាយថា រដ្ឋាភិបាល ជប៉ុន និងសហរដ្ឋអាមេរិក គ្រោងនឹងត្រួតពិនិត្យរួមគ្នា នូវក្រុមហ៊ុនអេឡិចត្រូនិកយក្ស Rakuten Group Inc ដោយសារខ្លាច ទិន្នន័យអតិថិជន ធ្លាក់ចូលក្នុង ដៃអាជ្ញាធរចិន យោងតាមការចេញផ្សាយ ពីគេហទំព័រជប៉ុនធូដេ ។
ក្រុមហ៊ុនមួយ នៃក្រុមហ៊ុនបច្ចេកវិទ្យាយក្សចិន Tencent Holdings Ltd បានក្លាយជាម្ចាស់ភាគហ៊ុនដ៏ធំរបស់ក្រុមហ៊ុន Rakuten មានភាគហ៊ុនចំនួន ៣,៦៥ ភាគរយ ដែលទំនងជាបង្កើនការព្រួយបារម្ភ ក្នុងចំណោមអាជ្ញាធរជប៉ុន និងសហរដ្ឋអាមេរិក សម្រាប់ហេតុផល សន្តិសុខជាតិ ។
ប្រភពបាននិយាយថា ផ្អែកលើច្បាប់ស្តីពីការវិនិយោគបរទេស រដ្ឋាភិបាលជប៉ុន ត្រូវបានគេរំពឹងថា នឹងធ្វើបទបង្ហាញជា ទៀងទាត់ជាមួយ Rakuten និងចែករម្លែកព័ត៌មាន ជាមួយរដ្ឋាភិបាលសហរដ្ឋអាមេរិក ។ ក្នុងចំណោមប្រភពត្រួតពិនិត្យសម្រាប់រដ្ឋាភិបាលជប៉ុន នឹងមានការចូល រួមពីក្រុមហ៊ុន Tencent នៃគ្រប់គ្រង Rakuten និងការគ្រប់គ្រង របស់ក្រុមហ៊ុនជប៉ុនចំពោះព័ត៌មានឯកជន របស់អតិថិជនរបស់ខ្លួននៅប្រទេសជប៉ុន និងនៅបរទេស។
Rakuten បានប្រាប់សារព័ត៌មាន Kyodo News ថា ការទិញយកភាគហ៊ុន របស់ក្រុមហ៊ុន Tencent Group គឺគ្រាន់តែសម្រាប់គោលបំណង វិនិយោគប៉ុណ្ណោះ ហើយបានច្រានចោលនូវលទ្ធភាព ដែលម្ចាស់ភាគហ៊ុន អាចទទួលបានទិន្នន័យអតិថិជន។
ច្បាប់ប្តូររូបិយ ប័ណ្ណ បរទេស និងពាណិជ្ជកម្មរបស់ជប៉ុន កំណត់ការវិនិយោគ របស់ក្រុមហ៊ុនបរទេស និងវិនិយោគិនបរទេស នៅក្រុមហ៊ុនជប៉ុន ក្នុងវិស័យងាយរងគ្រោះ ដូចជាទូរគមនាគមន៍ ដោយសារហេតុផលសន្តិសុខជាតិ ៕ ដោយ៖លី ភីលីព
