ញូវយ៉ក ៖ ក្រុមហ៊ុន Chevron និង Toyota បានប្រកាសជំហានដំបូង ឆ្ពោះទៅរកសម្ព័ន្ធមិត្តយុទ្ធសាស្ត្រ ដើម្បីធ្វើពាណិជ្ជកម្មអ៊ីដ្រូសែន ដែលត្រូវបានគេមើល ឃើញថា ជាជម្រើសឥន្ធនៈដឹកជញ្ជូនមិនប៉ះពាល់ដល់ បរិស្ថានយោងតាមការចេញផ្សាយ ពីគេហទំព័រជប៉ុនធូដេ ។
សម្ព័ន្ធភាពដែលផ្តោត លើសហរដ្ឋអាមេរិក ត្រូវបានគេរំពឹងថា នឹងផ្តោតលើវិស័យ ចំនួន៣ គឺការសហការគ្នាលើគោល នយោបាយសាធារណៈ ដើម្បីលើកកម្ពស់ហេដ្ឋារចនាសម្ព័ន្ធ អ៊ីដ្រូសែន វាយតម្លៃទីផ្សារ សម្រាប់រថយន្ត អគ្គិសនី កោសិកា ឥន្ធនៈ និងការផ្គត់ផ្គង់អ៊ីដ្រូសែនដែលត្រូវការ ហើយស្វែងរកឱកាសដើម្បីរួមគ្នា ស្រាវជ្រាវ និងអភិវឌ្ឍការដឹកជញ្ជូន និងការផ្ទុក ថាមពលអ៊ីដ្រូសែន ។
ក្រុមហ៊ុនបាននិយាយ នៅក្នុងសេចក្តីប្រកាសព័ត៌មាន រួមគ្នាថា ការបណ្តាក់ទុននេះ មានគោលបំណង ដើម្បីជំរុញសេដ្ឋកិច្ចអ៊ីដ្រូសែន ពិភពលោកមានមុខងារ និងរីកចម្រើន ។ អ្នកនាំពាក្យក្រុមហ៊ុន Chevron តាមអ៊ីម៉ែល ថា អនុស្សរណៈ នៃ ការយោគយល់ ដែលបានប្រកាស កាលពីពេលថ្មីៗនេះ គឺមិនមានការជាប់ កាតព្វកិច្ចទេ ប៉ុន្តែធ្វើឲ្យផ្លូវឆ្ពោះទៅកាន់សម្ព័ន្ធភាព យុទ្ធសាស្ត្រផ្លូវការមួយ នៅដើមត្រីមាសទី ៣ ឆ្នាំ ២០២១ ។
ក្នុងពិធីតាំងពិព័រណ៍ Shanghai Motor នៅសប្តាហ៍នេះ ក្រុមហ៊ុន Toyota បានបង្ហាញនូវផែនការ សម្រាប់រថយន្តអគ្គិសនីអាគុយលំដាប់ទី ១ របស់ខ្លួនក្នុងនោះមាន រថយន្តប្រភេទ SUV មួយគ្រឿងរំពឹងថា នឹងទៅដល់អ្នកប្រើប្រាស់ ក្នុងរយៈពេលតែជាងមួយ ឆ្នាំប៉ុណ្ណោះ។ Chevron បានប្រឈមនឹងសម្ពាធ ពីអ្នកបរិស្ថានដើម្បីផ្គូផ្គងការប្តេជ្ញាចិត្ត របស់ក្រុមហ៊ុនយក្សប្រេងអ៊ឺរ៉ុបដូចជាក្រុមហ៊ុន Royal Dutch Shell និង Total បានកំណត់គោលដៅ ដើម្បីឈានដល់ការបំភាយកាបូនសុទ្ធ ។
Chevron បាននិយាយថា ខ្លួនគ្មានគម្រោង នឹងបិទស្ថានីយប្រេង របស់ខ្លួនទេ។ អ្នកនាំពាក្យក្រុមហ៊ុន Chevron បាននិយាយថា ប្រេងឥន្ធនៈនឹងបន្តផ្លាស់ប្តូរ តាមពេលវេលា ហើយការផ្តល់អ៊ីដ្រូសែន នៅតាមកន្លែងលក់រាយ គឺជាការបន្ត នៃការផ្លាស់ប្តូរនោះ ៕ ដោយ៖លី ភីលីព
