ទីក្រុងYorkshire ៖ រូបចម្លាក់អធិរាជរ៉ូម៉ាំង Marcus Aurelius ស្ថិតក្នុងចំណោមកំណប់ទ្រព្យ នៃវត្ថុបុរាណ ធ្វើពីសំរិទ្ធរ៉ូម៉ាំង មានអាយុ ២០០០ឆ្នាំត្រូវបានរកឃើញ ដោយអ្នកស្វែង រកសារធាតុដែក នៅទីក្រុង Yorkshire ហើយគ្រោងនឹងលក់ ក្នុងតម្លៃប្រហែល១០០,០០០ ផោន នេះបើយោងតាមការចេញផ្សាយ ពីគេហទំព័រឌៀលីម៉ែល ។
រូបចម្លាក់ដ៏អស្ចារ្យទំហំ ៦ អ៊ីញ (១៣ ស.ម) របស់អធិរាជ Aurelius ដែលគ្រប់គ្រងចក្រភពរ៉ូមចាប់ពីឆ្នាំ ១៦១ ដល់ ១៨០ គ.ស បានពណ៌នា ព្រះអង្គមានសក់ និងពុកចង្ការរួញ ។ រូបចម្លាក់អធិរាជ Aurelius ការប្រមូលផ្ដុំរួមបញ្ចូលទាំងរូបចម្លាក់ របស់ព្រះនៅភពព្រះអង្គារ នៅលើសេះ និងចំណុចទាញនៃកាំបិតរាង ជាផ្នែកនៃសេះ ។
របស់របរទាំងនោះ ត្រូវបានរកឃើញកាលពីឆ្នាំមុន ដោយអ្នករកឃើញដែក លោក James Spark និងលោក Mark Didlick នៅ វាលមួយក្នុងទីក្រុង Ryedale រដ្ឋ North Yorkshire ។ ក្រុមអ្នកជំនាញជឿជាក់ថា ពួកគេត្រូវបានគេបញ្ចុះ ជាតង្វាយដល់ព្រះជាផ្នែកមួយ នៃពិធីសាសនារ៉ូម៉ាំង ក្នុងឆ្នាំ ១៦០ គ.ស ដែលជាឆ្នាំមុនការចាប់ផ្តើម នៃរជ្ជកាល Aurelius ។
ការប្រមូលគួរឲ្យភ្ញាក់ផ្អើលគ្រោង នឹងត្រូវបានដាក់លក់ ដោយអ្នកដេញថ្លៃ Hansons Auctioneers នៅថ្ងៃទី ២០ ខែឧសភាដោយការប៉ាន់ស្មានមុនលក់ ៩០,០០០ ផោន។ លោក Adam Staples ប្រធានផ្នែកប្រវត្តិសាស្រ្ត នៅក្រុមហ៊ុន Hansons Auctioneers មានមូលដ្ឋាន នៅ Etwall, Derbyshire មានប្រសាសន៍ថា យើងមានការចាប់អារម្មណ៍ នៅទូទាំងពិភពលោក ចំពោះវត្ថុបុរាណនិងទាំងសារមន្ទីរ ។
វត្ថុទាំងនោះមានអាយុ ២០០០ ឆ្នាំហើយត្រូវ បានអភិរក្ស យ៉ាងអស្ចារ្យ ហើយពួកគេត្រូវបានបង្កើត ឡើងយ៉ាងច្បាស់ ។ វត្ថទាំង២គឺជាវត្ថុបុរាណវិទ្យា និងជាបំណែកនៃសិល្បៈ ហើយគេអាចដឹងថា ជា សិល្បៈបុរាណ លោក Staples បានបន្តថា ការប្រមូលនេះត្រូវបានលក់ ជារបស់មួយមិនមែន ដាច់ដោយឡែកពីគ្នាទេពីព្រោះវាសំខាន់ជាងក្រុម ៕ ដោយ៖លី ភីលីព
