តូក្យូ ៖ រដ្ឋាភិបាលជប៉ុន បានបញ្ជាឲ្យក្រុមហ៊ុន ផ្តល់សេវាកម្មផ្ញើសារ Line Corp ចាត់វិធានការ ដើម្បីការពារព័ត៌មាន របស់អតិថិជនឲ្យបានត្រឹមត្រូវ បន្ទាប់ពីទិន្នន័យបែបនេះ ត្រូវបានរកឃើញ ដោយក្រុម ហ៊ុនចិន ដែលមិនមានការអនុញ្ញាត ពីអ្នកប្រើប្រាស់យោងតាមការ ចេញផ្សាយពីគេហទំព័រ ជប៉ុនធូដេ ។
គោលការណ៍ណែនាំរដ្ឋបាល ដែលតម្រូវឲ្យមានរបាយការណ៍ពី Line ដោយចុងខែឧសភា ត្រូវបានចេញនៅ ពេលក្រសួងកិច្ចការផ្ទៃក្នុង និងគមនាគមន៍បានវិនិច្ឆ័យថា ប្រតិបត្តិករកម្មវិធីខកខាន មិនបានផ្តល់ប្រព័ន្ធឃ្លាំមើលគ្រប់គ្រាន់ ដើម្បីការពារអាថ៌កំបាំង នៃការទំនាក់ទំនងតាមច្បាប់ ។
ក្រុមហ៊ុន Line បាននិយាយ នៅក្នុងសេចក្តីថ្លែងការណ៍មួយថា ខ្លួនយកចិត្តទុកដាក់លើបទបញ្ជា របស់រដ្ឋាភិបាល យ៉ាងម៉ឺងម៉ាត់ និងបានប្តេជ្ញាថា នឹងទទួលបានការជឿទុកចិត្ត ពីអ្នកប្រើប្រាស់ឡើងវិញ ដោយអនុវត្តកំណែ ទម្រង់សមស្រប ។
ការផ្លាស់ប្តូរនេះ បានកើតឡើងបន្ទាប់ពី Line ត្រូវបានប្រើដោយមនុស្ស ជាង ៨៦ លាននាក់ នៃប្រជាជនជប៉ុនប្រមាណ ១២៦ លាននាក់ បាននិយាយកាលពីខែមុនថា ព័ត៌មានផ្ទាល់ខ្លួន របស់អ្នកប្រើប្រាស់អាចចូល បានដោយអ្នកបច្ចេកទេស នៃសាខាចិនរបស់ខ្លួន ។ រូបថត និងវីដេអូត្រូវបានបង្ហោះ ដោយអ្នកប្រើប្រាស់ របស់ខ្លួននៅលើវេទិកា អ៊ីនធើណេត ក៏ត្រូវបានរក្សាទុកនៅក្នុងម៉ាស៊ីន មេមួយនៅក្នុងប្រទេសកូរ៉េខាងត្បូង ផងដែរ ។
ក្រសួងទំនាក់ទំនង ក៏បាននិយាយថា អ្នកបច្ចេកទេស ៤ នាក់ នៅសាខាចិនរបស់ក្រុមហ៊ុន បានចូលមើលទិន្នន័យ របស់ប្រតិបត្តិករកម្មវិធី ១៣២ ដងច្រើនជាងអ្វី ដែលបានប្រកាសមុន ដោយ Line។ កាលពីថ្ងៃសុក្រគណៈកម្មការការពារ ព័ត៌មានផ្ទាល់ខ្លួន របស់រដ្ឋាភិបាលបានចេញសេចក្តីណែនាំ ផ្នែករដ្ឋបាលដាច់ ដោយឡែកមួយ និង បានស្នើសុំឲ្យ Line រាយការណ៍ពីវិធានការកែលម្អ ក្នុងរយៈពេលមួយខែ ដើម្បីផ្តល់ប្រព័ន្ធឃ្លាំមើលគ្រប់គ្រាន់ ទោះបីជាមិនមានការ រំលោភបំពានច្បាប់ ការពារព័ត៌មានផ្ទាល់ខ្លួនក៏ដោយ ៕
